Հանգիստը, սառցեպարկերը կամ երկարատև տաք ցնցուղը կարող են լինել այն ամենը, ինչ ձեզ հարկավոր է լարվածության գլխացավը մեղմացնելու համար:
Տարբեր մոտեցումներ կարող են օգնել ձեզ նվազեցնել քրոնիկ լարվածության գլխացավերի ծանրությունն ու հաճախականությունը՝ առանց դեղամիջոց օգտագործելու: Փորձեք դրանցից մի քանիսը:
- Կառավարեք ձեր սթերսի մակարդակը. սթրեսը նվազեցնելու միջոցներից մեկը նախապես ձեր օրակարգը կազմելն ու կազմակերպելն է: Մեկ այլ միջոց է հանգստանալուն ավելի շատ ժամանակ տրամադրելը: Եվ, եթե հայտնվել եք սթրեսային իրավիճակում, մտածեք հետ կանգնելու մասին:
- Դիմեք տաքացնող կամ սառեցնող միջոցների. ցավացող մկանների տաք կամ սառը միջոցները (նայած, թե որն եք նախընտրում) կարող են մեղմացնել լարվածության գլխացավը: Տաքացնելու համար օգտագործեք ջեռակ, տաք ջրի շիշ, տաք կոմպրես կամ տաք սրբիչ: Տաք լոգանքը կամ ցնցուղը նույնպես կարող են օգնել: Սառեցնելու համար օգտագործեք սառցեպարկ, կտորով փաթաթված սառույց կամ սառեցված բանջարեղեն:
- Բարելավեք ձեր կեցվածքը. լավ կեցվածքը կարող է օգնել, որ մկանները չլարվեն: Երբ կանգնած եք, պահեք ձեր ուսերը դեպի ետ և գլուխը՝ բարձր: Ներս քաշեք ձեր որովայնը: Նստելիս համոզվեք, որ որ ձեր ազդրերը զուգահեռ են գետնին և ձեր գլուխն առաջ թեքված չէ:
Հոդվածը հրապարակվել է՝ 20-03-2021
Վերջին վերանայում՝ 22-04-2024