Գրադարան

Թալասեմիա․ ինքնօգնություն

Թալասեմիա․ ինքնօգնություն

Time Read 1 րոպե

Դուք կարող եք ինքներդ նպաստել ձեր թալասեմիայի կառավարմանը՝ պատշաճ կերպով հետևելով ձեր նշանակումներին և ձեր ապրելակերպը դարձնելով առողջ:

  • Խուսափեք ավելորդ երկաթից. եթե ձեր բժիշկն այս մասին որևէ առանձնահատուկ ցուցում չի տվել, մի՛ ընդունեք երկաթ պարունակող վիտամինային կամ այլ հավելումներ:
  • Անցեք առողջ սննդակարգի. առողջ սնվելը կարող է օգնել, որ ավելի լավ զգաք և բարձրացնեք ձեր կենսաուժը: Ձեր բժիշկը նաև կարող է առաջարկել ֆոլաթթվի հավելումներ, որոնք կարող են խթանել ձեր օրգանիզմում նոր արյան կարմիր բջիջների (էրիթրոցիտների) արտադրությունը: Ձեր ոսկորներն առողջ պահելու համար համոզվեք, որ ձեր սննդակարգը պարունակում է բավարար քանակությամբ կալցիում և վիտամին D: Հարցրեք ձեր բժշկին, թե որն է ճիշտ քանակությունը ձեզ համար և արդյոք ձեզ անհրաժեշտ է հավելումներ ստանալ: Հարցրեք ձեր բժշկին նաև այլ հավելումներ, օրինակ՝ ֆոլաթթու ընդունելու մասին: Սա B վիտամինի տեսակ է, որն օգնում է արյան կարմիր բջիջների ձևավորմանը:
  • Խուսափեք վարակներից. հաճախակի լվացեք ձեռքերը և խուսափեք հիվանդ մարդկանց հետ անմիջականորեն շփվելուց։ Սա հատկապես կարևոր է, եթե հեռացրել եք ձեր փայծաղը: Ձեզ նաև անհրաժեշտ կլինի գրիպի դեմ տարեկան պատվաստում, ինչպես նաև պատվաստումներ մենինգիտի, թոքաբորբի և հեպատիտ B-ի կանխարգելման համար: Եթե ձեզ մոտ զարգացել է ջերմություն կամ վարակի այլ գանգատներ և ախտանշաններ, առանց ուշացնելու դիմեք ձեր բժշկին՝ վաղ և ճիշտ բուժում ստանալու համար:
Բուժում      

Հոդվածը տեղադրվել է՝ 14-01-2024 վերանայվել է՝ 16-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով