Գրադարան

Թալասեմիա․ ախտորոշում

Թալասեմիա․ ախտորոշում

Time Read 1 րոպե

Միջին և ծանր աստիճանի թալասեմիա ունեցող երեխաների մեծամասնության մոտ գանգատներ և ախտանիշներ դրսևորվում են կյանքի առաջին երկու տարիների ընթացքում:

Եթե բժիշկը կասկածում է, որ ձեր երեխան ունի թալասեմիա, կարող է հաստատել ախտորոշումը արյան թեստերի միջոցով:

Արյան անալիզները կարող են հաշվարկել արյան կարմիր բջիջների (էրիթրոցիտների) քանակը և գտնել դրանց չափի, ձևի կամ գույնի շեղումներ: Արյան անալիզները նաև կարող են օգտագործվել ԴՆԹ-ի թեստավորման համար՝ ուղղված փոփոխված՝ մուտացված գեներ գտնելուն:

Նախածննդյան (պրենատալ) թեստավորում

Թեստավորումը կարող է կատարվել նախքան երեխայի ծնվելը՝ պարզելու, թե արդյոք նա ունի թալասեմիա և որքան ծանր կարող է լինել այն: Պտղի մոտ թալասեմիայի ախտորոշման համար օգտագործվող հետազոտությունները ներառում են հետևյալը:

  • Խորիոնային թավիկների նմուշառում. հետազոտությունը սովորաբար անցկացվում է հղիության 11-րդ շաբաթում և իրենից ներկայացնում է լաբորատոր հետազոտության համար ընկերքի (պլացենտայի) մի փոքրիկ հատվածի հեռացում:
  • Ամնիոցենտեզ. հետազոտությունը սովորաբար անցկացվում է հղիության 16-րդ շաբաթում և իրենից ներկայացնում է պտուղը շրջապատող հեղուկի նմուշի լաբորատոր հետազոտություն:

Հոդվածը տեղադրվել է՝ 14-01-2024 վերանայվել է՝ 16-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով