Ախտանիշներ - Թալասեմիա

Կան թալասեմիայի մի քանի տեսակներ, և գանգատներն ու ախտանիշները կախված են ձեր վիճակի տեսակից և ծանրության աստիճանից:

Թալասեմիայի գանգատներն ու ախտանիշները կարող են ներառել հետևյալը՝

• հոգնածություն
• թուլություն
• գունատ կամ դեղնավուն մաշկ
• դիմային ոսկորների ձևափոխություններ (ոսկրածուծի ավելի մեծ ծավալ զբաղեցնելու և ոսկրի լայանացման պատճառով)
• աճի հապաղում (նաև՝ սեռահասունացման հետաձգում)
• այտուցված որովայն
• մեզի մգացում:

Որոշ նորածինների մոտ թալասեմիայի ախտանիշներն առկա են ի ծնե, իսկ մյուսների մոտ դրանք զարգանում են կյանքի առաջին երկու տարիների ընթացքում: Որոշ մարդիկ, ովքեր ունեն միայն մեկ ախտահարված հեմոգլոբինային գեն, չունեն թալասեմիայի ախտանիշներ:

Ե՞րբ դիմել բժշկին

Պայմանավորվեք և հանդիպեք ձեր երեխայի բժշկի հետ, եթե ձեր երեխան ունի թալասեմիայի գանգատներից կամ ախտանիշներից որևէ մեկը: