Skip to main content

Ախտանիշներ - Թրոմբոֆլեբիտ

Թրոմբոֆլեբիտի ախտանիշները պայմանավորված են երակների բորբոքմամբ (ֆլեբիտ) և արյան մակարդուկով երակային հոսքի արգելափակմամբ (թրոմբոզ):

Մակերեսային թրոմբոֆլեբիտի գանգատներն ու ախտանիշները ներառում են՝

  • ախտահարված շրջանում տեղային ջերմություն, գերզայնություն (հպվելիս՝ ցավոտություն) և ցավ
  • մաշկի կարմրություն և վերջույթի այտուցվածություն

Խորանիստ երակների թրոմբոզի (ԽԵԹ) գանգատներն ու ախտանիշները ներառում են՝

  • ցավ
  • վերջույթի այտուցվածություն (ուռածություն):

Երբ ախտահարվում է մաշկի մակերեսին մոտ գտնվող երակը, դուք կարող եք տեսնել կարմիր, պինդ լարանման գոյացություն անմիջապես մաշկի մակերեսի տակ, որը դիպչելիս ցավոտ է: Երբ ախտահարվում է ոտքի խորանիստ երակը, ձեր վերջույթը կարող է դառնալ այտուցված, զգայուն և ցավոտ:

Ե՞րբ դիմել բժշկին

Անմիջապես դիմեք ձեր բժշկին, եթե ունեք կարմիր, այտուցված կամ ցավոտ երակ, հատկապես, եթե ունեք թրոմբոֆլեբիտի ռիսկի մեկ կամ մի քանի գործոն:

Զանգեք 1-03 և կանչեք շտապ օգնություն, եթե՝

  • երակային այտուցը և ցավը սուր են
  • դուք նաև ունեք շնչարգելություն (հևոց) կամ կրծքավանդակային ցավ, հազում եք արյուն կամ ունեք այլ ախտանիշներ, որոնք կարող են վկայել այն մասին, որ արյան մակարդուկը (թրոմբ) հասել է ձեր թոքերը (թոքային էմբոլիա):

Հնարավորության դեպքում թող որևէ մեկը ձեզ շտապ հասցնի մոտակա անհետաձգելի բուժօգնության բաժանմունք։

Հոդվածը հրապարակվել է՝ 25-07-2023
Վերջին վերանայում՝ 06-04-2024