Ձեր բժիշկը կամ ատամնաբույժը կքննարկեն ձեր ախտանիշները և կզննեն ձեր ծնոտը:
Նրանք հավանաբար՝
- կլսեն և կշոշափեն ձեր ծնոտը և, մասնավորապես, քունքստործնոտային հոդը (ՔՍՀ), երբ բացում և փակում եք ձեր բերանը
- կստուգեն և կչափեն ձեր ստորին ծնոտի շարժման միջակայքը
- կսեղմեն ձեր ծնոտը և, մասնավորապես, ՔՍՀ-ը շրջապատող շրջանները՝ հայտնաբերելու ցավի կամ անհարմարավետության տեղերը:
Եթե ձեր բժիշկը կամ ատամնաբույժը կասկածում են ՔՍՀ-ի հետ կապված որևէ խնդիր, ձեզ կարող են առաջարկել՝
- ատամնաշարի ռենտգեն հետազոտություն՝ ստուգելու ձեր ատամները և ծնոտը
- համակարգչային տոմոգրաֆիկ (ԿՏ) սքանավորում՝ ՔՍՀ-ի մեջ ներգրավված ոսկորների մանրամասն պատկերներ ստանալու համար
- մագնիսա-ռեզոնանսային տմոգրաֆիա (ՄՌՏ)՝ հոդային սկավառակի կամ շրջակա փափուկ հյուսվածքի հետ կապված խնդիրները բացահայտելու համար։
ՔՍՀ-ի հիվանդությունների ախտորոշման համար երբեմն օգտագործվում է ՔՍՀ-ի արթրոսկոպիա: ՔՍՀ-ի արթրոսկոպիայի ժամանակ ձեր բժիշկը հոդաճեղքի մեջ տեղադրում է փոքր բարակ խողովակ (կանուլա), որի լուսանցքով ներմուծում է փոքր տեսախցիկ (արթրոսկոպ)՝ հոդը ներսից դիտելու համար, որը կարող է օգնել ախտորոշմանը:
Հոդվածը հրապարակվել է՝ 05-08-2023
Վերջին վերանայում՝ 22-04-2024