Կանխարգելում - Տոքսոպլազմոզ

Որոշ նախազգուշական միջոցառումներ կարող են օգնել տոքսոպլազմոզի կանխարգելմանը:

• Հագեք ձեռնոց հողի հետ կամ այգեգործությամբ զբաղվելիս. դրսի հետ կապված գործերն արեք ձեռնոցով (կատուների արտաթորանքները հաճախ հողի մեջ են), որից հետո լավ լվացեք ձեռքերը օճառով և հոսող ջրով:
• Մի՛ կերեք հում կամ կիսաեփ միս. միսը, հատկապես՝ գառան, խոզի, տավարի կամ եղնիկի կարող են պարունակել տոքսոպլազմայի օրգանիզմներ: Մի՛ փորձեք մսի համը մինչև լիարժեք եփվելը: Խուսափեք կիսաեփ մսամթերքներից:
• Մի՛ կերեք հում ծովամթերքներ. սա կարևոր է հատկապես հղիների համար:
• Լավ լվացեք խոհանոցային պարագաները. հում միսը պատրաստելուց կամ հում մրգերն ու բանջարեղենները կտրտելուց հետո տաք օճառաջրով լավ լվացեք խոհանոցային տախտակները, դանակները և մյուս պարագաները: Հում մսին ձեռք տալուց հետո լվացեք ձեր ձեռքերը: Նույն կերպ, սնունդ պատրաստելուց առաջ և հետո լավ լվացեք ձեր ձեռքերը:
• Լվացեք բոլոր մրգերն ու բանջարեղենները. լվացեք թարմ մրգերն ու բանջարեղենները, հատկապես, եթե պատրաստվում եք դրանք ուտել հում վիճակում: Հնարավորության դեպքում կպճեք դրանք, սակայն՝ միայն լվանալուց հետո:
• Մի՛ խմեք չպաստերիզացված այծի կաթ. խուսափեք չպաստերիզացված կաթից (հատկապես՝ այծի) և այլ կաթնամթերքներից:
• Մի՛ խմեք չզտված ջուր. սա կարևոր է հատկապես հղիության ընթացքում:
• Ծածկե՛ք երեխաների ավազարկղերը. եթե ունեք մանկական ավազարկղեր, ծածկեք դրանք, որ կատուները չկարողանան կեղտոտել դրանց մեջ:

Կատու պահողներին

Եթե հղի եք կամ ունեք տոքսոպլազմայով վարակվելու բարձր ռիսկ, այս քայլերը կարող են պաշտպանել վարակից:

• Օգնեք ձեր կատվին, որ մնա առողջ. պահեք կատվին տան մեջ և կերակրեք նրան չոր կամ պահածոյացված, այլ ոչ թե հում մսով:
• Խուսափեք փողոցային կատուներից. «դրսի» կատուները սնվում են որսով կամ կերակուրների մնացուկներով, այդ թվում՝ հում մսով, որոնք կարող են պարունակել տոքսոպլազմայի մակաբույծ:
• Մաքուր պահեք կատվի կեղտամանը. դրանք մաքրեք կամ դատարկեք դիմակով և ձեռնոցներով, վերջում՝ լավ լվացվեք: Կեղտամանի ամենօրյա մաքրման շնորհիվ կատվի արտաթորանքներում առկա օվոցիստերը չեն հասցնում դառնալ վարակիչ: