Գրադարան
Տոքսոպլազմոզ
1 րոպե
Տոքսոպլազմոզը վարակ է, որը հարուցվում է Toxoplasma gondii միաբջիջ մակաբույծով։
Մարդիկ հաճախ տոքսոպլազմայով վարակվում են՝ ուտելով կիսաեփ միս: Վարակը նաև կարող է փոխանցվել կատվի արտաթորանքների հետ շփումից (կեղտոտ ձեռքերի միջոցով՝ բերանով): Մակաբույծը կարող է հղիության ընթացքում վարակված մորից անցնել երեխային:
Տոքսոպլազմայով վարակված մարդկանց մեծ մասը որևէ գանգատ չի նշում: Որոշ մարդիկ ունենում են գրիպանման (ընդհանուր մրսածությանը բնորոշ) ախտանիշներ: Ծանր ընթացքով դեպքերն առավել հաճախ հանդիպում են նորածինների և թուլացած իմունային համակարգով մարդկանց շրջանում: Հղիության ընթացքում տոքսոպլազմոզը կարող է բերել վիժման և բնածին արատների:
Տոքսոպլազմոզային վարակների մեծ մասը բուժում չի պահանջում: Դեղորայքային բուժում նշանակվում է ավելի լուրջ դեպքերում, հղի կանանց, նորածիններին և թուլացած իմունային համակարգով անձանց: Տոքսոպլազմոզի կանխարգելման որոշ քայլեր կարող են նվազեցնել վարակի ռիսկը:
Հոդվածը տեղադրվել է՝ 17-04-2019 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
