Գլխուղեղի տրավմատիկ վնասվածքները կարելի է որոշ չափով կանխարգելել՝ ձեռնարկելով պարզ նախազգուշական միջոցառումներ:
Գլխուղեղի վնասվածքի վտանգը նվազեցնելու համար հետևեք հետևյալ խորհուրդներին:
- Ամրագոտիներ և անվտանգության բարձիկներ. շարժիչային տրանսպորտում ամրագոտին միշտ կապեք: Փոքր երեխան միշտ պետք է նստի մեքենայի հետևի նստատեղին, որն ապահովված է երեխայի անվտանգության նստատեղով կամ նրա չափսերին և քաշին համապատասխանող նստատեղով: Պարբերաբար ստուգեք ձեր ավտոմեքենայի անվտանգության բարձիկների (airbag) աշխատունակությունը:
- Ավտոմեքենայի անվտանգ վարում. երբեք մի՛ գերազանցեք թույլատրելի արագությունը: Պահպանեք անվտանգության մյուս կանոնները ևս (ավտոտեխզննում, արգելակների պարբերաբար ստուգում և այլն):
- Ալկոհոլի և ապօրինի թմրամիջոցների օգտագործում. մի՛ վարեք ալկոհոլի կամ ապօրինի թմրամիջոցների ազդեցության տակ, ներառյալ դեղատոմս պահանջող դեղերը, որոնք կարող են խաթարել մեքենա վարելու ունակությունը:
- Սաղավարտներ. հեծանիվ, սքեյթբորդ, մոտոցիկլետ, ձնագնաց կամ ամենագնաց մեքենա վարելիս կրեք սաղավարտ: Նաև կրեք գլխի համապատասխան պաշտպանիչ միջոց բեյսբոլ խաղալիս կամ կոնտակտային սպորտով զբաղվելիս, դահուկներով սահելիս, սնոուբորդ վարելիս կամ ձի վարելիս:
- Ուշադրություն դարձրեք ձեր շրջապատին. ձեր հեռախոսը, պլանշետը կամ որևէ սմարթ-սարք օգտագործելիս մի՛ վարեք, մի՛ քայլեք և մի՛ անցեք փողոցը: Նման իրավիճակները կարող են հանգեցնել վթարների կամ ընկնելու:
Վայր ընկնելու կանխարգելում
Հետևյալ խորհուրդները կարող են օգնել տարեցներին, որ խուսափեն տանը կամ բակում ընկնելուց:
- Տեղադրեք բազրիքներ լոգասենյակներում:
- Տեղադրեք չսահող գորգ լոգարանում կամ ցնցուղարանում:
- Հեռացրեք սենյակների գորգերը:
- Տեղադրեք ճաղավանդակներ աստիճանների երկու կողմերում:
- Բարելավեք տան լուսավորությունը, հատկապես աստիճանների շրջակայքում:
- Աստիճաններն ու հատակները մաքուր պահեք մանր առարկաներից կամ լարերից:
- Պարբերաբար ստուգեք ձեր տեսողությունը:
- Կանոնավոր կերպով զբաղվեք ֆիզիկական վարժանքներով:
Երեխաների մոտ գլխի վնասվածքների կանխարգելում
Հետևյալ խորհուրդները կարող են օգնել, որ երեխաները խուսափեն գլխի վնասվածքներից:
- Աստիճանների երկու կողմերում տեղադրեք ճաղավանդակներ:
- Աստիճանները պահեք մանր առարկաներից կամ լարերից զերծ:
- Տեղադրեք պատուհանների պաշտպանիչներ՝ վայր ընկնելը կանխելու համար:
- Տեղադրեք չսահող գորգ լոգարանում կամ ցնցուղարանում:
- Օգտագործեք խաղահրապարակներ, որոնք գետնին ունեն հարվածները մեղմացնող միջոցներ:
- Համոզվեք, որ սենյակների գորգերն ու կարպետներն անվտանգ են:
- Թույլ մի՛ տվեք երեխաներին խաղալ հրշեջ-սանդուխքների կամ բացպատշգամբների վրա:
Հոդվածը հրապարակվել է՝ 22-02-2021
Վերջին վերանայում՝ 22-04-2024