Գանգուղեղային վնասվածք. կանխարգելում

Գանգուղեղային տրավմաները կարելի է որոշ չափով կանխարգելել՝ հետևելով մի շարք կանոններին կամ ձեռնարկելով պարզ նախազգուշական միջոցառումներ:

Ստորև ներկայացված են գանգուղեղային վնասվածքի ռիսկը նվազեցնող միջոցներ:

• Ավտոմեքենա վարելիս կապեք ամրագոտիները և ստուգեք օդապարկերը. ավտովթարները գանգուղեղային տրավմաների ամենահաճախ հանդիպող պատճառներից են: Կապեք ամրագոտիներն յուրաքանչյուր անգամ, երբ պատրաստվում եք մեքենա վարել կամ երթևեկում եք այլ մարդու մեքենայով: Համոզվեք, որ ձեր երեխաները և մյուս ուղևորեները նույնպես պատշաճ կերպով օգտվում են ամրագոտիներից: Պարբերաբար ստուգեք մեքենայի օդապարկերի (airbag) աշխատունակությունը:
• Վարեք ավտոմեքենան անվտանգ. երբեք մի՛ գերազանցեք թույլատրելի արագությունը: Պահպանեք ավտոմեքենա վարելու անվտանգության մյուս կանոնները ևս (ավտոտեխզննում, արգելակների պարբերաբար ստուգում և այլն):
• Խուսափե՛ք ալկոհոլ կամ թմրամիջոցներ օգտագործած վիճակում ավտոմեքենա վարելուց. հոգեներգործուն նյութերը, այդ թվում՝ ալկոհոլը նվազեցնում են ռեակցիաները և զգոնությունը: Նույն կերպ, մի երթևեկեք այնպիսի ավտոմեքենայով, որի ղեկին ալկոհոլ կամ թմրամիջոցներ օգտագործած վարորդ է:
  
• Դրե՛ք պաշտպանիչ սաղավարտ, երբ դրա կարիքը կա. պաշտպանիչ սաղավարտը կարող է նվազեցնել հեծանիվ, դահուկ, մոտոցիկլետ, ձի և նմանատիպ փոխադրամիջոցներ վարելիս կամ կոնտակտային մարզաձևերով զբաղվելիս գլխի վնասվածքի հավանականությունը:
• Ուշադրություն դարձրեք ձեր շրջապատող միջավայրին. խուսափե՛ք ավտոմեքենա վարելիս, քայլելիս կամ փողոցն անցնելիս բջջային հեռխոս կամ մեկ այլ էլեկտրոնային սարք օգտագործելուց:

Վայր ընկնելու կանխարգելում

Այս հնարքները կօգնեն, որ մեծ տարիքով մարդիկ հնարավորինս խուսափեն տանը կամ բակում վայր ընկնելուց՝

• զուգարանում և լոգարանում տեղադրեք բռնակներ
• տան, հատկապես լոգարանի սայթաքող հատակին փռեք հարթ ոտնաշոր
• հնարավորինս հեռացրեք հատակի գորգերն ու կարպետները
• աստիճանների համար տեղադրեք ճաղավանդակներ
• բարելավեք տան, հատկապես՝ աստիճանների լուսավորությունը
• տան հատակը և աստիճանները պահեք ավելորդ մանր առարկաներից կամ իրերից զերծ
• պարբերաբար ստուգեք ձեր տեսողությունը
• կանոնավոր կերպով զբաղվեք ֆիզիկական վարժանքներով:

Երեխաների մոտ գլխի վնասվածքների կանխարգելում

Այս հնարքները կօգնեն, որ երեխաները հնարավորինս խուսափեն իրենց գլուխը վնասելուց՝

• աստիճանների համար տեղադրեք ճաղավանդակներ
• տան աստիճանները պահեք ավելորդ մանր առարկաներից կամ իրերից զերծ
  
• համոզվեք, որ Install window guards to prevent falls
• տան, հատկապես լոգարանի սայթաքող հատակին փռեք հարթ ոտնաշոր
• խաղասենյակի հատակին փռեք հարվածը մեղմացնող գորգիկ
• համոզվեք, որ հատակի գորգերն ու կարպետներն անվտանգ են
• թույլ մի՛ տվեք, որ երեխաները խաղան բաց պատշգամբում: