1-ին տիպի դիաբետ. ախտանիշներ

1-ին տիպի դիաբետ. ախտանիշներ

Ի տարբերություն 2-րդ տիպի դիաբետի, 1-ին տիպի դիաբետի ախտանիշները կարող են ի հայտ գալ հարաբերականորեն հանկարծակի:

1-ին տիպի դիաբետի ախտանիշներից են՝

Անհետաձգելի բուժօգնություն պահանջող նշաններ

Անկախ ձեր ջանքերից, երբեմն կարող են ծագել սուր առողջական խնդիրներ: 1-ին տիպի դիաբետի որոշ կարճաժամկետ բարդությունները, օրինակ՝ ցածր արյան շաքարը (հիպոգլիկեմիա) պահանջում է անհետաձգելի բուժօգնություն:

Ցածր արյան շաքար (հիպոգլիկեմիա)

Հիպոգլիկեմիա առաջանում է, երբ արյան շաքարի մակարդակն ընկնում է՝ հասնելով թիրախային միջակայքից ցածր ցուցանիշների: Արյան շաքարի մակարդակը կարող է նվազել տարբեր պատճառներով՝ սննդի ընդունման բաց թողում, ճաշին ածխաջերերի պահանջվողից ավելի քիչ քանակների ընդունում, սովորականից բարձր ֆիզիկական ակտիվություն կամ պատահաբար մեծ դեղաչափի ինսուլինի ներարկում:

Տեղեկացեք հիպոգլիկեմիայի ախտանիշների մասին և ստուգեք ձեր արյան շաքարը, եթե կարծում եք, որ վերջինիս մակարդակն ընկել է: Կասկածելու դեպքում միշտ չափեք արյան գլյուկոզը, քան փորձեք ենթադրություններ անել:

Ցածր արյան գլյուկոզի վաղ նշաններից են՝

Ցածր արյան շաքարի ավելի ուշ ախտանիշները, որոնք կարող են երբեմն նմանվել ալկոհոլային հարբածությանը, ներառումն են՝

Գիշերային հիպոգլիկեմիայի դեպքում կարող եք արթնանալ գլխացավից կամ առատ քրտնարտադրությունից: Նորմալ կողոպտման ազդեցության պատճառով երբեմն վաղ առավոտյան ժամերին կարող եք գրանցել անսովոր բարձր արյան շաքարի մակարդակ, որը հայտնի է որպես Սամոգյի էֆեկտ:

Եթե ունեք ցածր արյան շաքարի ցուցանիշ՝

  • ընդունեք 15-20 գրամ արագ ազդող ածխաջրատ, օրինակ՝ մրգահյութ, գլյուկոզի հաբ, պինդ քաղցրավենիք կամ շաքարի այլ տեսակ և խուսափեք ճարպային մթերքներից, որոնք չեն կարող արագ բարձրացնել արյան շաքարը
  • մոտ 15 րոպե անց կրկնակի չափեք արյան շաքարը՝ համոզվելու, որ այն նորմալացել է
  • կրկնակի ընդունեք արագ ազդող շաքար՝ մինչև արյան գլյուկոզի մակարդակը նորմալանա
  • տեղեկացրեք բժշկին կամ զանգեք 1-03 և կանչեք շտապբուժօգնություն:

Եթե տանը գլիկոմետր չունեք, ամեն դեպքում կատարեք վերոնշյալ քայլերը:

Բուժումից դուրս թողնելու դեպքում ցածր արյան գլյուկոզը կարող է բերել գիտակցության կորստի: Բժիշկները նման դեպքերում ներարկում են Գլյուկագոն՝ հորմոն, որը խթանում է լյարդում գլիկոգենի տրոհումից գլյուկոզի առաջացումը:

Նկատի ունեցեք, որ որոշ մարդկանց մոտ կարող է թուլանալ հիպոգլիկեմիկ վիճակին ուղեկցող ախտանիշների դրսևորումը: Օրնակ, նրանք կարող են չզգալ գլխապտույտ, գլխացավ կամ ուշագնացության զգացողություններ: Որքան հաճախակի են կրկնվում ցածր արյան գլյուկոզի դրվագները, այդքան ավելի հավանական է դառնում «չտեղեկացված հիպոգլիկեմիան»: Զրուցե՛ք այս թեմայի շուրջ ձեր բժշկի կամ բժիշկ-ներզատաբանի հետ:

Բարձր արյան շաքար (հիպերգլիկեմիա)

Ձեր արյան շաքարը կարող է բարձրանալ բազմաթիվ պատճառներով, այդ թվում՝ որոշ («սխալ») սննդամթերքների կամ դրանց մեծ քանակների օգտագործում, ինսուլինի բավարար քանակի չընդունում, որևէ այլ հիվանդության կամ վարակի առկայություն:

Արյան գլյուկոզի մակարդակի բարձրացումը, որը կոչվում է հիպերգլիկեմիա, զարգանում է աստիճանաբար և ընթանում հետևյալ նշաններով՝

  • հաճախամիզություն
  • բերանի չորություն և անհագ ծարավ
  • մշուշոտ (շղարշային) տեսողություն
  • խիստ թուլություն
  • գերգրգռվածություն
  • խիստ քաղցի զգացողություն
  • ուշադրության կենտրոնացման դժվարություն:

Եթե կասկածում եք, որ ունեք հիպերգլիկեմիա, չափեք արյան շաքարը: Եթե այն թիրախային միջակայքից ավելի բարձր է, հավանաբար «շտկող» միջոցառման կարիք կա, օրինակ՝ ինսուլինի լրացուցիչ դեղաչափի ներարկում:

Եթե ձեր արյան շաքարը գերազանցում է 13,3 մմոլ/լ (240 մգ/դլ) ցուցանիշը, ապա մեզի ստրիպով ստուգեք մեզում կետոնների առկայությունը: Եթե մեզում հայտնաբերվում է հետքային կամ քիչ քանակով կետոններ, խմեք առատ հեղուկներ կամ ջուր:

Եթե ինսուլինի լրացուցիչ դեղաչափ ստանալուց հետո արյան շաքարը կայուն կերպով մնում է 16,7 մմոլ/լ (300 մգ/դլ) ցուցանիշը գերազանցող միջակայքում կամ մեզի կետոնները մնում են բարձր, անհապաղ տեղեկացրեք բժշկին կամ զանգեք 1-03 և կանչեք շտապբուժօգնություն:

Մեզում կետոնների բարձրացում (դիաբետիկ կետոացիդոզ)

Երբ ձեր բջիջները «էներգետիկ քաղցի» մեջ են, օրգանիզմը սկսում է տրոհել ճարպեր՝ առաջացնելով թունավոր թթուներ՝ կետոններ: Դիաբետիկ կետոացիդոզը կյանքին սպառնացող վիճակ է, որը պահանջում է անհետաձգելի բուժօգնություն:

Դիաբետիկ կետոացիդոզի ախտանիշներից են՝

Եթե կասկածում եք կետոացիդոզ, ստուգեք մեզում կետոնների առկայությունը: Եթե դրանց քանակը բարձր է, անհապաղ տեղեկացրեք ձեր բժշկին կամ զանգեք 1-03 և կանչեք շտապբուժօգնություն։

Ե՞րբ դիմել բժշկին

Այցելեք ձեր բժշկին, եթե ձեզ մոտ կամ ձեր երեխայի մոտ առկա են վերոնշյալ ախտանիշներից մեկնումեկը կամ մի քանիսը:

Անհապաղ զանգեք 1-03 և կանչեք շտապբուժգօգնություն, եթե ձեզ մոտ զարգացել են դիաբետի բարդությունների մասին վկայող վերոնշյալ ախտանիշները:

Հոդվածը վերանայվել է՝ 09-04-2021