Խոցային կոլիտ. բարդություններ

Խոցային կոլիտ. բարդություններ

Կոլիտով մարդկանց փոքր մասի մոտ կարող է բորբոքում զարգանալ հաստ աղիներից բացի մարմնի այլ շրջաններում ևս, այդ թվում՝ լյարդում, մաշկում, հոդերում և աչքերում:

Ստամոքս-աղիքաբանի (գաստրոէնտերոլոգ) կանոնավոր վերահսկումը, ինչպես նաև կոլոնոսկոպիաները կարող են օգնել խոցային կոլիտի բարդությունների կանխարգելմանը: Սակայն կարող է առաջանալ դեղերի ընդունման, այդ թվում՝ ստերոիդների և բորբոքումը կանխարգելող դեղամիջոցների և հազվադեպ՝ վիրահատության անհրաժեշտություն:

Կորտիկոստերոիդների երկարատև ընդունումը կարող է զարգացնել որոշ կողմնակի ազդեցություններ, այդ թվում՝ օստեոպորոզ (ոսկրերի փխրունացում):

Խոցային կոլիտով պայմանավորված նշանակալի բորբոքումը կարող է նաև առաջացնել՝

  • սննդանյութերի դեֆիցիտներ
  • մարմնի քաշի կորուստ
  • խոր խոցերից առատ արյունահոսություն
  • հաստ աղու թափածակում (պատռում կամ պերֆորացիա)
  • լեղածորանների հետ կապված խնդիրներ, լյարդի ախտահարում
  • կայծակնային կոլիտ և տոքսիկ մեգակոլոն՝ վիճակներ, որոնք բերում են աղիների գործունեության դադարեցման:

Երկարատև ժամանակի ընթացքում խոցային կոլիտը կապված է նաև հաստ աղու քաղցկեղի զարգացման ռիսկի բարձրացման հետ: Եթե 10 տարվա ընթացքում այս քաղցկեղի ռիսկը մոտ 50-ից 1 է, ապա 20 տարվա ընթացքում նույն ռիսկն աճում է մինչև 12-ից 1: Այս ռիսկը կարող է կրճատվել առողջ սննդակարգի, ֆիզիկական ակտիվության, ալկոհոլից և ծխախոտից զերծ մնալու շնորհիվ:

Հոդվածը վերանայվել է՝ 02-06-2020