Խոցային կոլիտ. բուժում

Խոցային կոլիտ. բուժում

Այլ քրոնիկ հիվանդությունների պես խոցային կոլիտը վերջնական բուժում չունի, սակայն կան ձեր տարբեր միջոցառումներ, որոնք կարող են նվազագույնի հասցնել հիվանդության ազդեցությունը:

Ձեր բժիշկը կամ գաստրոէնտերոլոգը կարող են նաև խորհուրդ տալ ձեր իրավիճակին առավելագույնս համապատասխանող հատուկ սննդակարգ:

Դեղեր

Խոցային կոլիտն ունի քրոնիկ ալիքաձև ընթացք՝ կազմված սրացումներից (ախտադարձ կամ ռեցեսիվ), երբ բորբոքային գործընթացներն «աշխուժացում» են և ախտանիշների մեղմացումից (ախտադադար կամ ռեմիսիա), երբ բորբոքումը մեղանում է: Բուժման նպատակը սրացման շրջաններում հիվանդության ախտանիշները մեղմացնելն է և բարդությունները բուժելն ու կանխարգելելը, իսկ ախտադադարի փուլում՝ հերթական սրացումը կանխարգելելը, հետաձգելը կամ սուր ընթացքը մեղմացնելը, ինչպես նաև ընդհանուր առողջական վիճակը բարելավելը: Բուժումը նաև աղիներին «հնարավորություն է տալիս», որ ապաքինվեն:

Խոցային կոլիտի ժամանակ բորբոքումը վերահսկելու համար ավելի հաճախ նշանակվում են՝

Բժիշկը ձեզ կարող է առաջարկել նաև փորլուծությունը կարգավորող դեղեր, ցավազրկողներ և սննդային հավելումներ (օրինակ, որպեսզի կարգավորի ձեր արյան երկաթի, վիտամին D-ի և կալցիումի մակարդակները):

Վիրահատություն

Եթե կոլիտը ծանր է և չի ենթարկվում դեղաբուժմանը, բժիշկը կարող է առաջարկել վիրահատություն, որի ժամանակ հեռացվում է հաստ աղին: Վիրահատության ընթացքում բարակ աղու վերջավորությունից վերաձևվում է փոքր «գրպանիկ», որն ուղղակիորեն միացվում է հետանցքին:

Մեկ այլ տարբերակ էլ ժամանակավոր կամ մշտական խուղակի (ստոմա) ստեղծումն է, որով կղանքն արհեստական ճանապարհով դուրս է գալիս մաշկին ամրացված պարկի մեջ: Սա թույլ է տալիս ազատվել հիվանդության ախտանիշներից, ինչպես նաև վերանում է բուժման համար երկար տարիներ դեղերի ընդունման անհրաժեշտությունը:

Բնական է, որ այսպիսի խուղակով ապրելը ստեղծում է մեծ անհարմարավետություն, սակայն հաճախ էապես բարելավում է մարդկանց կյանքի որակը:

Հոդվածը վերանայվել է՝ 09-05-2021