Skip to main content

Բարդություններ - Վագինալ կանդիդոզ

Խմորասնկիկային վարակները խիստ հազվադեպ են բարդություններ առաջացացնում:

Այնուամենայնիվ, որոշ դեպքերում, հատկապես՝ թուլացած իմունիտետի պայմաններում հեշտոցային կանդիդոզը կարող է ստանալ բարդացած ընթացք:

Բարդացած հեշտոցային կանդիդոզը երբեմն առաջացնում է միզուղիների վարակներ՝ միզուկաբորբ (ուրեթրիտ), միզապարկի վարակ (ցիստիտ) կամ խիստ հազվադեպ՝ երիկամների վարակ (պիելոնեֆրիտ)։

Հղիության ժամանակ հեշտոցային կանդիդոզը կարող է բերել պտղաջրերի վաղաժամ արտահոսքի, պտղի նախածննդյան կամ հետծննդյան ինտրանատալ վարակի, նորածնի մոտ առաջացնել շաղկապենու բորբոքում (կոնյուկտիվիտ), բերանի խոռոչի կանդիդոզ, ծանր դեպքերում՝ կանդիդոզային թոքաբորբ կամ սեպսիս, իսկ հետծննդաբերական շրջանում` կանդիդոզային էնդոմետրիտ (արգանդի լորձաթաղանթի բորբոքում)։

Հոդվածը հրապարակվել է՝ 03-06-2021
Վերջին վերանայում՝ 07-04-2024