Գրադարան
Հեշտոցի կանդիդոզ. ախտորոշում
1 րոպե
Խմորասնկիկային վարակն ախտորոշելիս բժիշկը կարող է դիմել հետևյալ միջոցներին:
- Հարցեր տալ ձեր հիվանդության պատմության վերաբերյալ. սա կարող է ներառել նախկինում հեշտոցային վարակների կամ սեռական ճանապարհով փոխանցվող վարակների մասին տեղեկություններ հավաքելը:
- Գինեկոլոգիական ներզննում. բժիշկը զննում է ձեր արտաքին սեռական օրգանները վարակի նշանների համար: Այնուհետև, նա գործիք (հեշտոցային հայելի) է տեղադրում ձեր հեշտոցի մեջ՝ հեշտոցի պատերը բաց պահելու համար, որ զննի ձեր հեշտոցն ու արգանդի վզիկը՝ արգանդի ստորին, ավելի նեղ հատվածը, որը ցցված է ձեր հեշտոցի մեջ:
- Հեշտոցային արտազատուկի թեստ. գինեկոլոգիական զննման ընթացքում ձեր բժիշկը կարող է հավաքել և լաբորատորիա ուղարկել հեշտոցային արտադրուկի նմուշ, որ որոշի վարակ առաջացրած սնկիկի տեսակը: Սնկիկների հայտնաբերումը կարող է օգնել ձեր բժշկին, որ կրկնվող խմորասնկիկային վարակների համար նշանակի ավելի արդյունավետ բուժում:
Հոդվածը տեղադրվել է՝ 03-06-2021 վերանայվել է՝ 08-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
