Գրադարան
Հեշտոցային կանդիդոզ. ախտանիշներ
1 րոպե
Խմորասնկիկային վարակի ախտանիշները կարող են տատանվել՝ սկսած մեղմից մինչև չափավոր:
Հեշտոցային կանդիդոզի գանգատներն ու ախտանիշները, եթե ի հայտ են գալիս, կարող են ներառել՝
- քոր և գրգռվածություն հեշտոցում և ամոթույքում (վուլվա)
- այրման զգացողություն, հատկապես սեռական հարաբերության կամ միզելու ժամանակ
- ամոթույքի՝ արտաքին սեռական օրգանների կարմրություն և այտուցվածություն (ներառում է ցայլքը, սեռական մեծ շուրթերը և սեռական փոքր շուրթերը)
- հեշտոցային ցավ կամ ցավոտություն
- թանձր (մածուցիկ), սպիտակ (կաթնագույն) և անհոտի հեշտոցային արտադրություն՝ կաթնաշոռի տեսքով, որը կարող է կպած լինել հեշտոցի պատերին՝ առաջացնելով դժվար պոկվող կղզյակներ
- ջրիկ հեշտոցային արտադրություն:
Բարդացած խմորասնկիկային վարակ
Դուք կարող եք ունենալ բարդացած կանդիդոզային վարակ, եթե՝
- ունեք ծանր գանգատներ և ախտանիշներ, ինչպիսիք են տարածուն կարմրությունը, այտուցը և քորը, որը հանգեցնում է պատռվածքների, ճաքերի կամ խոցերի:
- մեկ տարվա ընթացքում ունենում եք չորս կամ ավելի խմորասնկիկային վարակ
- ձեր վարակը պայմանավորված է սնկիկների ոչ սովորական տեսակով
- հղի եք
- ունեք չվերահսկվող դիաբետ
- ձեր իմունային համակարգը թուլացել է որոշ դեղամիջոցների կամ հիվանդությունների ու վիճակների պատճառով, ինչպիսին է ՄԻԱՎ վարակը:
Ե՞րբ դիմել բժշկին
Նշանակվեք ձեր բժշկի հետ, եթե՝
- սա առաջին դեպքն է, երբ դուք ունեք խմորասնկիկային վարակի ախտանիշներ
- վստահ չեք, թե արդյոք ունեք խմորասնկիկային վարակ
- ձեր ախտանիշները չեն վերանում դեղատոմս չպահանջող հակասնկային հեշտոցային նրբաքսուքներով (կրեմներ) կամ մոմիկներով բուժվելուց հետո
- ձեզ մոտ ի հայտ են գալիս այլ ախտանիշներ:
Հոդվածը տեղադրվել է՝ 03-06-2021 վերանայվել է՝ 08-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
