Կանխարգելում - Վագինիտ

Պատշաճ հիգիենան կարող է կանխել հեշտոցաբորբի որոշ տեսակների կրկնությունը և թեթևացնել որոշ ախտանիշներ:

Արտաքին սեռական օրգանների պատշաճ հիգիենան և խնամքը կարող է կանխարգելել վագինիտի որոշ տեսակների կրկնությունը և մեղմացնել որոշ ախտանիշներ:

• Խուսափեք վաննաներից, տաք վաննաներից և ջակուզիներից:
• Խուսափեք գրգռիչներից. դրանք ներառում են՝ բուրավետ տամպոններ, միջադիրներ, հեշտոցի լվացումներ և բուրավետ օճառներ: Լվացեք օճառը ձեր արտաքին սեռական տարածքից ցնցուղից հետո և լավ, բայց՝ նուրբ չորացրեք այդ շրջանը՝ գրգռումը կանխելու համար: Մի օգտագործեք պինդ օճառներ, ինչպիսիք են դեզոդորանտ կամ հակաբակտերիալ ազդեցություն ունեցող օճառները կամ փրփրուն օճառներ:
• Զուգարանից օգտվելուց հետո սրբեք առջևից ետև՝ հեշտոցից դեպի հետանցք. դրանով կխուսափեք կղանքային բակտերիաների տարածումից դեպի ձեր հեշտոց:

Այլ բաները, որոնք կարող են օգնել վագինիտի կանխարգելմանը, ներառում են հետևյալը:

• Խուսափե՛ք հեշտոցի խոռոչի («ներքին») լվացումներից. ձեր հեշտոցը չի պահանջում սովորական լոգանքից բացի հատուկ լվացում: Կրկնակի «ներքին լվացումները» խախտում են հեշտոցում բնակվող նորմալ միկրոօրգանիզմների հավասարակշռությունը և իրականում բարձրացնում հեշտոցային վարակի ռիսկը: Հիշեք, որ «ներքին լվացումը» չի մաքրում կամ ոչնչացնում հեշտոցային վարակը:
• Ձեր սեռական կյանքը դարձրեք ավելի ապահով և անվտանգ. պահպանակի օգտագործումը և սեռական զուգընկերների քանակի սահմանափակումը կարող են օգնել:
• Հագեք բամբակյա ներքնազգեստ. հագեք նաև բամբակյա շեքով զուգագուլպներ: Մտածեք անկողնում ներքնազգեստ չկրելու մասին: Խմորասնկիկները լավ աճում են խոնավ միջավայրում: