Վագինիտ. ախտանիշներ

Վագինիտ. ախտանիշներ

Վագինիտի ժամանակ զարգացող գանգատները և ախտանիշները կախված են առաջացման պատճառից:

Սակայն, ընդհանուր առմամբ վագինիտով կայանք նշում են՝

Եթե ունեք հեշտոցային արտադրություն (որը բազմաթիվ կանանց մոտ կարող է բացակայել), ապա արտադրուկի բնույթը կարող է ինչ-որ չափով վկայել վագինիտի տեսակի մասին:

  • Բակտերիալ վագինոզ. դուք կարող եք նշել մոխրա-սպիտակավուն տհաճ (ձկան) հոտով արտադրություն: Տհաճ հոտը կարող է սաստականալ սեռական հարաբերությունից հետո:
  • Կանդիդոզային վարակ. հիմնական ախտանիշը քորն է, սակայն դուք կարող եք նաև նշել սպիտակավուն թանձր կաթնաշոռ հիշեցնող արտադրուկ:
  • Տրիխոմոնոզ. այս սեռավարակը կարող է առաջացնել կանաչա-դեղնավուն, երբեմն փրփրոտ հեշտոցային արտադրուկ։

Ե՞րբ այցելել բժշկին

Հանդիպեք ձեր բժշկին, եթե ձեզ մոտ առկա է հեշտոցային անհարմարավետություն (դիսկոմֆորտ), հատկապես, եթե՝

  • նշում եք խիստ տհաճ հեշտոցային հոտ, արտադրուկ կամ քոր
  • երբևէ չեք ունեցել հեշտոցային վարակ (պատճառը հայտնաբերելու անհրաժեշտություն)
  • նախկինում ունեցել եք հեշտոցային վարակ
  • ունեք բազմաթիվ կամ նոր սեռական զուգընկերներ (սեռական ճանապարհով փոխանցվող հիվանդությունների (ՍՃՓՀ) հայտնաբերման կամ ժխտման անհրաժեշտություն)
  • բուժումից հետո ձեր գանգատները շարունակվում են
  • ի հայտ են եկել բարձր ջերմություն, դող և սարսուռ, ինչպես նաև կոնքում տեղակայված ցավեր:

Հոդվածը վերանայվել է՝ 30-03-2021