Բարդություններ - Փորոքային տախիկարդիա

Փորոքային հաճախասրտությունը (վենտրիկուլյար տախիկարդիա), հատկապես երկար պահպանվելիս (կայուն V-tach կամ VT), կարող է հանգեցնել ծանր, այդ թվում՝ կյանքին սպառնացող բարդությունների:

Փորոքային տախիկարդիայի բարդությունները կախված են հետևյալից՝

• որքա"ն արագ է կծկվում սիրտը
• որքա"ն է տևում արագ սրտազարկը
• արդյոք կա"ն սրտային այլ հիվանդություններ:

Փորոքային տախիկարդիայի հնարավոր բարդությունները ներառում են՝

• հաճախակի ուշաթափություններ կամ ուշագնացություն
• սրտային անբավարարություն
• հանկարծամահություն՝ սրտի կանգի կամ փորոքների ֆիբրիլյացիայի հետևանքով:

Փորոքային ֆիբրիլյացիա (շողացում)

Փորոքային տախիկարդիայի հետ կապված վտանգավոր վիճակ է փորոքային ֆիբրիլյացիան (V-fib): V-fib-ի ժամանակ սրտի ստորին խոռոչները (փորոքներ) կծկվում են չափազանց արագ (ավելի շուտ՝ թրթռում կամ շողում են, այլ ոչ թե լիարժեք կծկվում) և չհամակարգված ձևով:

Այս անկանոն ռիթմն առավել հաճախ հանդիպում է սրտային հիվանդություն կամ նախկինում սրտամկանի ինֆարկտ ունեցող մարդկանց մոտ: Այն կարող է առաջանալ նաև էլեկտրոլիտային անհավասարակշռություն ունեցողների մոտ (օրինակ՝ կալիումի բարձր կամ ցածր մակարդակ):

Փորոքային ֆիբրիլյացիան կարող է առաջացնել սրտի հանկարծակի կանգ և հանգեցնել մահվան, եթե անհապաղ չբուժվի: