Ընդհանուր նկարագրություն

Մեզում կետոնային մարմինները հանդիսանում են դեկոմպենսացված շաքարային դիաբետի կարևոր լաբորատոր ցուցանիշներից մեկը:

Կետոնային մարմինները (ացետոն, ացետոքացախաթթու, բետա-օքսիկարագաթթու) առաջանում են ճարպաթթուների ուժեղացած կատաբոլիզմի արդյունքում: Դրանք մեզում ի հայտ են գալիս շաքարային դիաբետի մետաբոլիկ դեկոմպենսացիայի փուլում:

Ինսուլինակախյալ պատանեական դիաբետը հաճախ առաջին անգամ ախտորոշվում է հենց մեզում կետոնային մարմինների հայտնաբերմամբ:

Շաքարային դիաբետի ոչ համարժեք ինսուլինաբուժման պայմաններում կետոացիդոզը հարաճուն զարգանում է, և արդյունքում զարգացող հիպերգլիկեմիան և հիպերօսմոլյարությունը առաջացնում են ջրազրկում, իոնային փոխանակության խանգարումներ և կետոացիդոզ: Այսպիսի փոփոխություններն ի վերջո առաջացնում են կենտրոնական նյարդային համակարգի դիսֆունկցիա և կոմա:

Հետազոտության ցուցումներ

  • միզատար ուղիների հիվանդություններ
  • սքրինինգ` կանխարգելիչ հետազոտությունների համատեքստում
  • տարաբնույթ հիվանդությունների ընթացքի և բարդությունների գնահատում
  • հիվանդությունների բուժման արդյունավետության գնահատում

Կենսանմուշ

«Մեզում կետոններ» թեսթի համար հանձնվող կենսանմուշն է՝ առավոտյան 1-ին մեզ, երկրորդ չափաբաժին։

Կենսանմուշի հանձնում

Մեզի ընդհանուր հետազոտության համար անհրաժեշտ է միանվագ օգտագործման տարայում հավաքել առավոտյան մեզի միջին բաժինները:

Մեզը հանձնելու նախորդ օրը խորհուրդ չի տրվում ընդունել այնպիսի մրգեր կամ բանջարեղեններ, որոնք կարող են գունավորել մեզը:

Նույն կերպ, մեզը հանձնելու նախորդ օրը խորհուրդ չի տրվում ընդունել միզամուղներ: Նման դեպքերում անհրաժեշտ է խորհրդակցել բուժող բժշկի հետ մեկ օրով միզամուղի ընդունումը դադարեցնելու նպատակահարմարության մասին:

Չափման միավորներ

Միջազգային չափման միավոր

մմոլ/լ (միլիմոլ/լիտր)

Նորմալ (ռեֆերենս) միջակայքեր

Համընդհանուր օգտագործվող միջակայքեր

Բացակայում է՝ մինչև 1 մմոլ/լ

Այլընտրանքային միջակայքեր

  • < 0,5՝ բացասական
  • 0,5 - 0,9՝ հետքեր
  • > 0,9՝ դրական

Արդյունքների մեկնաբանություն

Մեզում կետոնային մարմինների առկայություն (կետոնուրիա)

  • շաքարային դիաբետ (դեկոմպենսացված՝ դիաբետիկ կետոացիդոզ)
  • պրեկոմատոզ վիճակներ, գլխուղեղային (հիպերգլիկեմիկ) կոմա
  • երկարատև սովահարություն (սննդից լիարժեք հրաժարում կամ մարմնի քաշի նվազեցմանն ուղղված դիետա)
  • ծանր տենդ
  • ալկոհոլային ինտոքսիկացիա
  • հիպերինսուլինիզմ
  • հիպերկատեխոլամինեմիա
  • իզոպրոպրանոլոլով թունավորում
  • էկլամպսիա
  • I,II,IV տիպերի գլիկոգենոզներ
  • սննդակարգում ածխաջրատների անբավարարություն

Միջազգային անվանումներ

Միջազգային (անգլերեն) լրիվ անվումը՝ Urine Ketone Body

Միջազգային (անգլերեն) հապավումը՝ UKB

Ձեզ ներկայացված է մասնագիտական բնույթի նյութ: Հոդվածն ունի նաև ընդհանուր տեղեկատվական նշանակություն, սակայն, եթե դուք բժիշկ չեք, խիստ ցանկալի է որոշումներ կայացնել միայն ձեր բժշկի հետ միասին