Ակնեի ախտորոշումը որևէ դժվարություն չի ներկայացնում:
Բժիշկն ախտորոշում է ակնեն մաշկի ախտահարված շրջանում սև կամ սպիտակ կորյակներ (կոմեդոններ) հայտնաբերելուց:
Այնուամենայնիվ, մաշկային շատ խնդիրներ (կոչվում են ակնենման ախտահարումներ) կարող են նմանվել ակնեին՝ անգիոֆիբրոմա, վերնամաշկի բշտեր, տափակ գորտնուկներ, ֆոլիկուլյար կերատոզ, միլիումներ, հարբերանային մաշկաբորբ, վարդացան և այլն:
Ակնեն ախտորոշելիս բժշկին նաև կարող են օգնել հիվանդության զարգացման և ընթացքի որոշ մանրամասները, ինչպես նաև հիվանդության պատմությունը (անամնեզ): Օրինակ, հորմոն-զգայուն ակնեն հանդիպում է 20-30 տարեկանում, վատթարանում է դաշտանից մեկ շաբաթ առաջ և առաջին հերթին առաջանում է ծնոտին և կզակին:
Հոդվածը հրապարակվել է՝ 25-05-2021
Վերջին վերանայում՝ 07-05-2024