Սուր երիկամային անբավարարության ախտանիշներն ի հայտ են գալիս հանկարծակի և ծանրանում են մինչև մեկ-երկու օրվա ընթացքում:
Սուր երիկամային անբավարարության գանգատներից և ախտանիշներից են՝
- միզարձակման նվազում (սակավամիզություն կամ օլիգուրիա) կամ դադարում (անմիզություն կամ անուրիա), չնայած երբեմն միզարձակումը մնում է նորմալ
- հեղուկների կուտակում, որն առաջացնում է այտուց ձեր ոտքերի, կոճերի կամ ոտնաթաթերի վրա
- շնչարգելություն և հևոց
- հոգնածություն
- շփոթվածություն
- սրտխառնոց
- թուլություն
- անկանոն սրտազարկ
- կրծքավանդակում ցավ կամ ճնշման զգացում
- ծանր դեպքերում՝ ցնցումներ կամ կոմա:
Երբեմն սուր երիկամային անբավարարությունը չի առաջացնում գանգատներ կամ ախտանիշներ և հայտնաբերվում է մեկ այլ պատճառով կատարված լաբորատոր թեստերի միջոցով:
Ե՞րբ դիմել բժշկին
Անհապաղ դիմեք ձեր բժշկին կամ զանգեք 1-03 և կանչեք շտապ օգնություն, եթե ունեք սուր երիկամային անբավարարության գանգատներ կամ ախտանիշներ:
Հոդվածը հրապարակվել է՝ 09-05-2020
Վերջին վերանայում՝ 06-04-2024