Գլխուղեղի վնասումը կարող է լինել հիշողության կորստի հիմնական պատճառը:
Ուստի, կարևոր է քայլեր ձեռնարկել՝ նվազագույնի հասցնելու գլխուղեղի վնասվածքի հավանականությունը: Օրինակ՝
- մի՛ խմեք մեծ քանակությամբ ալկոհոլ
- հեծանիվ վարելիս կրեք սաղավարտ
- ավտոմեքենա վարելիս կամ երթևեկող ավտոմեքենայում գտնվելիս կապեք ամրագոտի
- վարեք ավտոմեքենան անվտանգ, այդ թվում՝ խուսափեք ալկոհոլ կամ թմրամիջոցներ օգտագործած վիճակում ղեկին նստելուց
- արագ բուժեք վարակները, որ դրանք հնարավորություն չունենան տարածվել դեպի գլխուղեղ
- անհապաղ բժշկական օգնության դիմեք, եթե ունեք ախտանիշներ, որոնք հուշում են ինսուլտի կամ գլխուղեղի անևրիզմայի մասին, ինչպիսիք են ուժեղ գլխացավ, մարմնի մի կողմում թմրածության զգացում կամ մարմնի մի կողմը շարժելու անկարողություն:
Հոդվածը հրապարակվել է՝ 05-05-2021
Վերջին վերանայում՝ 03-05-2024