Անեմիա. ախտորոշում

1 րոպե

Անեմիա ախտորոշելու համար ձեր բժիշկը հավանաբար կհարցնի ձեզ ձեր հիվանդության և ընտանեկան պատմության մասին, կկատարի ֆիզիկական քննություն (բուժզննում) և կնշանակի հետևյալ թեստերը:

• Արյան ընդհանուր քննություն (CBC). CBC-ն օգտագործվում է ձեր արյան նմուշում արյան բջիջների քանակը հաշվելու համար: Անեմիայի դեպքում ձեր բժշկին հավանաբար կհետաքրքրի ձեր արյան մեջ պարունակվող արյան կարմիր բջիջների (էրիթրոցիտներ) և ձեր արյան հեմոգլոբինի մակարդակը: Առողջ չափահաս մարդկանց հեմատոկրիտի արժեքները հիմնականում կազմում են 38,3%-48,6% տղամարդկանց և 35,5%-44,9% կանանց համար: Առողջ չափահաս մարդկանց հեմոգլոբինի արժեքները հիմնականում կազմում են 132-166 գրամ/լիտր տղամարդկանց համար և 116-150 գրամ/լիտր կանանց համար: Այս արժեքները կարող են տարբեր բժշկական կենտրոններում մի փոքր տարբերվել: Թվերը կարող են ավելի ցածր լինել այն մարդկանց համար, ովքեր զբաղվում են ինտենսիվ ֆիզիկական ակտիվությամբ, հղի են կամ ավելի մեծ տարիքում են: Ծխելը և ծովի մակերևությից բարձր շրջաններում գտնվելը կարող են մեծացնել թվերը:
• Արյան կարմիր բջիջների ձևը և չափը որոշելու թեստ. որոշ դեպքերում կարող է առաջանալ արյան կարմիր բջիջների ձևի, չափի և գույնի մանրադիտակային հետազոտության անհրաժեշտություն:

Լրացուցիչ ախտորոշիչ թեստեր

Եթե դուք ստանում եք անեմիայի ախտորոշում, ձեր բժիշկը կարող է նշանակել այլ թեստեր՝ պատճառը պարզելու համար: Երբեմն, անեմիա ախտորոշելու համար կարող է անհրաժեշտ լինել ուսումնասիրել ձեր ոսկրածուծի նմուշը (բիոպսիա):