Ախտանիշներ - Անեմիա

Սակավարյունության գանգատներն ու ախտանիշները տարբերվում են՝ կախված անեմիայի պատճառից և ծանրության աստիճանից:

Կախված պատճառից, անեմիան կարող է որևէ ախտանիշ չառաջացնել: Գանգատներն ու ախտանիշները, եթե առաջանում, կարող են ներառել՝

• հոգնածություն
• թուլություն
• գունատ կամ դեղնավուն մաշկ
• անկանոն սրտազարկ (առիթմիա)
• հևոց
• գլխապտույտ կամ ուշագնացության զգացում
• կրծքավանդակի՝ ետկրծոսկրային ցավ
• սառը դաստակներ կամ ոտնաթաթեր
• գլխացավեր:

Սկզբում անեմիան կարող է այնքան թեթև լինել, որ չնկատեք: Սակայն, ախտանշանները վատթարանում են անեմիայի ծանրանալուն զուգահեռ:

Ե՞րբ դիմել բժշկին

Պայմանավորվեք ձեր բժշկի մոտ արտահերթ այց, եթե հոգնած եք զգում և չգիտեք ինչու:

Անեմիայից բացի, հոգնածությունը բազմաթիվ այլ պատճառներ ունի, այնպես որ մի կարծեք, որ եթե հոգնած եք, պետք է անեմիա ունենաք: Որոշ մարդիկ առաջին անգամ իմանում են, որ իրենց հեմոգլոբինը ցածր է, ինչը վկայում է անեմիայի մասին, երբ նրանք արյուն են նվիրաբերում: Եթե ձեզ ասեն, որ չեք կարող արյան դոնոր դառնալ ցածր հեմոգլոբինի պատճառով, պայմանավորվեք և այցելեք ձեր բժշկին: