Որևէ առօրյա գործ անելիս, օրինակ՝ քայլելիս սկսված ետկրծոսկրային ցավերը ստիպում են, որ ընդմիջեք ձեր գործը, կանգ առնեք ու հանգստանաք:
Այնուամենայնիվ, կրծքահեղձուկի ամենավտանգավոր բարդությունը սրտամկանի ինֆարկտն է:
Սրտամկանի ինֆարկտի նախազգուշացնող ախտանիշները ներառում են՝
- կրծքավանդակի կենտրոնում՝ կրծոսկրի շրջանում ճնշող, սեղմող կամ այրող բնույթի ցավ կամ ծանրության զգացում, որը տևում է մի քանի րոպեից ավելի երկար
- ցավը տարածվում է կրծքավանդակից դուրս՝ դեպի ուսագոտի, ձեռք, թիկունք կամ նույնիսկ ատամներ ու ստորին ծնոտ
- գիտակցության կորուստ (ուշագնացություն)
- մոտալուտ մահվան զգացում
- ետկրծոսկրային ցավի դրվագների սաստկացում
- սրտխառնոց և փսխում
- ստամոքսի շրջանում (վերորովայնային) շարունակվող ցավեր
- օդի պակասի զգացում և հևոց
- սառը-կպչուն քրտնարտադրություն:
Եթե ունեք այս ախտանիշներից որևէ մեկը, ապա անհապաղ զանգեք 1-03 և կանչեք շտապբուժօգնություն:
Հոդվածը հրապարակվել է՝ 07-03-2021
Վերջին վերանայում՝ 05-04-2024