Գրադարան
Կրծքահեղձուկ. ինքնօգնություն
1 րոպե
Սրտային հիվանդությունը հաճախ պատճառում է կրծքահեղձուկ կամ ստենոկարդիա, ուստի սիրտն առողջ պահելուն ուղղված ապրելակերպի փոփոխությունները հանդիսանում են կրծքահեղձուկի բուժման բաղադրիչը:
Փորձեք հետևյալ մոտեցումները:
- Մի՛ ծխեք և խուսափեք երկրորդային ծխի ազդեցությունից. եթե ծխող եք, ձերբազատվեք ծխախոտից: Եթե ինքնուրույն փորձերը չեն ստացվում, խորհուրդ հարցրեք ձեր բժշկից:
- Եղեք ֆիզիկապես ակտիվ և կարգավորեք մարմնի քաշը. որպես հիմնական նպատակ, ձգտեք հասնել օրական առնվազն 30 րոպեանոց չափավոր ֆիզիկական ծանրաբեռյվածության: Եթե գեր եք, բժշկի հետ խորհրդակցելով սկսեք ձեր քաշի նորմալացմանն ուղղված անվտանգ միջոցառումները: Հարցրեք բժշկին, թե որ քաշն է ձեր դեպքում համարվում լավագույնը:
- Անցեք առողջ սննդակարգի. սահմանափակեք աղի և հագեցած կամ «տրանս» ճարպերի քանակը՝ ավելացնելով տարբեր մրգերի ու բանջարեղենների, ինչպես նաև ամբողջահատիկ հացահատիկային մթերքների չափաբաժինը:
- Կարգավորեք մյուս առողջական խնդիրները. դիաբետը, բարձր արյան ճնշումը և արյան բարձր խոլեսթերինը կարող են բերել կրծքահեղձուկի:
- Փորձեք սթերսը մեղմացմող միջոցներ. հուզական լարվածությունը կարելի է մեղմացնել վարժանքներով, գիտակցվածության մեթոդներով և աջակցող խմբերի հետ կանոնավոր շփումներով:
- Հրաժարվեք կամ սահմանափակեք ալկոհոլի օգտագործումը. եթե շարունակում եք ալկոհոլ ընդունել, ապա արեք դա չափավոր քանակներով:
Հոդվածը տեղադրվել է՝ 07-03-2021 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
