Ասթմա. պատճառներ

Ասթմա. պատճառներ
Անգլերեն անվանումը՝ Asthma Causes

Ասթման ունի առաջացման մի շարք ռիսկի գործոններ և գանգատների առաջացման տրիգերներ:

Ասթմայի (բրոնխիալ ասթմա) զարգացման հավանականությունը բարձրացնող գործոններն են՝

  • ասթմայի կամ ալերգիկ այլ վիճակների վերաբերյալ ընտանեկան պատմություն
  • այլ ատոպիկ (ալերգիկ բնույթի) հիվանդությունների առկայություն, օրինակ՝ էկզեմա, սննդային ալերգիա կամ ալերգիկ ռինիտ
  • մանկահասակ տարիքում ծխախոտի երկրորդային ծխի երկարատև ազդեցություն
  • հղի ժամանակ մոր կողմից ծխախոտի օգտագործում
  • վաղաժամ ծնունդ (հատկապես, երբ գործի է դրվել թոքերի օժանդակ կամ արհեստական շնչառությունը)
  • թերհաս ծնունդ (2 կգ-ից պակաս)։

Ասթմայի ախտանիշները կարող են ի հայտ գալ հետևյալ գործոնների ազդեցությամբ (տրիգերներ)`

  • շնչուղիների կամ թոքերի վարակային հիվանդություններ
  • ալերգեններ, օրինակ՝ փոշի, փոշու տիզ, կենդանիների մորթի կամ փետուրներ և այլն
  • շնչուղիների գրգռիչներ, օրինակ՝ ծխախոտի ծուխ, քիմիական նյութերի գոլորշիներ, փոշի և այլն
  • որոշ ցավազրկողներ, օրինակ՝ ասպիրին և իբուպրոֆեն
  • հուզական գործոններ, օրինակ՝ սթրես կամ ծիծաղ
  • սուլֆիտներ պարունակող սննդամթերքներ, օրինակ՝ մրգային խտահյութեր, ջեմ, մանր ծովախեցգետին (креветка), թերեփված և այլ կերակուրներ
  • եղանակային պայմաններ, օրինակ՝ ջերմաստիճանի կտրուկ փոփոխություն, սառը օդ, քամոտ եղանակ, օդի ցածր որակ, շոգ, տոթ կամ խոնավ օրեր
  • կենցաղային պայմաններ, օրինակ՝ խոնավություն և բորբոսասնկեր, փոշու տիզ, կարպետների և գորգերի մեջ առկա քիմիկատներ և այլն
  • ֆիզիկական լարվածություն։

Հոդվածը վերանայվել է՝ 26-04-2019