Պատճառներ - Ասթմա

Պարզ չէ, թե ինչու է որոշ մարդկանց մոտ առաջանում ասթմա, իսկ մյուսների մոտ՝ չի առաջանում:

Սակայն դա, հավանաբար, պայմանավորված է շրջակա միջավայրի և ժառանգական (գենետիկ) գործոնների համակցությամբ:

Ասթմայի հրահիրներ (տրիգերներ)

Տարբեր գրգռիչների և նյութերի ազդեցությունը, որոնք առաջացնում են ալերգիա (ալերգեններ), կարող են առաջացնել ասթմայի գանգատներ և ախտանիշներ: Ասթմայի հրահրիչները տարբերվում են անձից անձ և կարող են ներառել հետևյալը՝

• օդածին ալերգեններ, ինչպիսիք են ծաղկափոշին, փոշու տիզերը, բորբոսի սպորները, տնային կենդանիների թեփը կամ ուտիճների արտաթորանքների մասնիկները
• շնչառական վարակներ, ինչպիսին է սովորական մրսածությունը (սուր շնչառական վիրուսային վարակ)
• ֆիզիկական ակտիվություն
• սառը օդ, քամոտ եղանակ և մթնոլորտի ջերմաստիճանի կտրուկ փոփոխություն
• оդի աղտոտիչներ և գրգռիչներ, ինչպիսին է ծուխը
• որոշ դեղամիջոցներ, ներառյալ բետա պաշարիչները (բետա-բլոկերներ), Ասպիրինը և ոչ ստերոիդային հակաբորբոքային դեղերը (ՈՍՀԲԴ), ինչպիսիք են Իբուպրոֆենը (Ադվիլ, Մոտրին IB և այլն) և Նապրոքսեն նատրիումը (Ալեվե)
• ուժեղ հույզեր (օրինակ՝ պոռթկուն ծիծաղ) և սթրես
• սուլֆիտներ և կոնսերվանտներ, որոնք ավելացվում են սննդի և խմիչքի որոշ տեսակների մեջ, ներառյալ ծովախեցգետին, չորացրած մրգեր, վերամշակված կարտոֆիլ, գարեջուր և գինի
• գաստրո-էզոֆագիալ ռեֆլյուքս հիվանդություն (ԳԷՌՀ)՝ վիճակ, երբ ստամոքսի թթուն ետ է գալիս դեպի ձեր կերակրափողը և կոկորդը:

Ռիսկի գործոններ

Ենթադրվում է, որ մի շարք գործոններ մեծացնում են ասթմայի զարգացման ձեր հնարավորությունները: Դրանք ներառում են՝

• ասթմայով հիվանդ արյունակից, օրինակ՝ ծնող կամ քույր կամ եղբայր ունենալը
• մեկ այլ ալերգիկ վիճակ ունենալը, ինչպիսին է ատոպիկ դերմատիտը (էկզեմա), որն առաջացնում է կարմրություն, քոր առաջացնող մաշկ կամ եղնջացան որը առաջացնում է քթահոսություն (հարբուխ), քթի փակվածություն և աչքերի քոր
• ավելորդ քաշ ունենալը
• ծխող լինելը
• ծխախոտի երկրորդային ծխի ազդեցության ենթարկվելը
• արտանետվող գոլորշիների կամ այլ տեսակի աղտոտվածության ազդեցության ենթարկվելը
• մասնագիտական (աշխատանքային) հրահրիչների ազդեցության ենթարկվելը, ինչպիսիք են քիմիական նյութերը, որոնք օգտագործվում են գյուղատնտեսության, վարսահարդարման և տեքստիլ արտադրության մեջ: