Գրադարան
Աթերոսկլերոզ
1 րոպե
Աթերոսկլերոզը վերջին տասնամյակների ընթացքում բժշկագիտության ամենթեժ քննարկումների և ամենալուրջ ուշադրության արժանացած հիվանդություններից մեկն է:
Երբեմն աթերոսկլերոզը և արտերիոսկլերոզն օգտագործվում են՝ ներկայացնելու նույն բանը, սակայն այս երկու բնորոշումների մեջ կա տարբերություն:
Արտերիոսկլերոզն առաջանում է, երբ սրտից դեպի օրգանիզմի մյուս շրջանները թթվածին և սննդանյութեր տեղափոխող արյունատար անոթները՝ զարկերակները դառնում են հաստ և պինդ՝ որոշ դեպքերում կրճատելով արյան հոսքը դեպի օրգաններ և հյուսվածքներ: Առողջ զարկերակները ճկուն և էլաստիկ են, սակայն, ժամանակի ընթացքում, զարկերակների պատերը կարող են պնդանալ (կոչվում է զարկերակների պնդացում):
Աթերոսկլերոզն արտերիոսկլերոզի առանձնահատուկ տեսակ է:
Աթերոսկլերոզը զարկերակների պատի վրա ճարպերի, խոլեսթերինի և այլ նյութերի կուտակումն է: Նման կուտակումը կոչվում է «վահանիկ»: Վահանիկը կարող է բերել զարկերակների նեղացման և արյան հոսքի շրջափակման: Վահանիկը նաև կարող է պատռվել՝ առաջացնելով արյան մակարդուկ:
Աթերոսկլերոզը հաճախ դիտարկվում է որպես սրտային խնդիր, սակայն կարող է ախտահարել ցանկացած շրջանի զարկերակները: Աթերոսկլերոզը կարելի է բուժել: Առողջ ապրելակերպի սովորույթները կարող են օգնել աթերոսկլերոզի կանխարգելմանը:
Հոդվածը տեղադրվել է՝ 20-04-2019 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
