Ախտորոշում - Կողի կոտրվածք

Զննման ընթացքում ձեր բժիշկը նուրբ կշոշափի կամ կսեղմի ձեր կողերը:

Բժիշկը նաև ստետոսկոպով կլսի ձեր թոքերը և կստուգի, թե շնչելիս ինչպես է շարժվում ձեր կրծքավանդակը:

Կողի կոտրվածք կասկածելիս ձեր բժիշկը կնշանակի մեկ կամ մի քանի պատկերային հետազոտություններ:

• Կրծքավանդակի ռենտգեն. ճառագայթման ցածր մակարդակով ռենտգեն հետազոտությունը ոսկորները դարձնում է տեսանելի, սակայն կրծքավանդակի ռենտգենը հաճախ թույլ չի տալիս հայտնաբերել կողերի թարմ կոտրվածքները, հատկապես, եթե առկա է միայն ճաք: Ռենտգեն հետազոտությունն օգտակար է նաև կոլապսի ենթարկված թոքը և պնևմոթորաքսն ախտորոշելիս:
• Համակարգչային տոմոգրաֆիա (ԿՏ). ԿՏ սքանավորումը հաճախ հայտնաբերում է սովորական ռենտգենով դժվար տեսանելի կոտրվածքները կամ ճաքերը: Այս հետազոտությամբ պատկերվում է նաև փափուկ հյուսվածքների և արյունատար անոթների վնասվածքները: Նորագույն տեխնոլոգիաները թույլ են տալիս ստանալ տարբեր անկյուներով ու շերտերով պատկերներ, որը մեծապես օգնում է կողերի կոտրվածքների բարդությունների հայտնաբերմանը:
• Մագնիսա-ռեզոնանսային տոմոգրաֆիա (ՄՌՏ). ՄՌՏ կարող է նշանակվել, որ հայտնաբերվի կողերի կոտրվածքի պատճառով առաջացած փափուկ հյուսվածքների կամ հարակից օրգանների վնասվածքները: ՄՌՏ-ն օգտագործում է հզոր մագնիսական և ռադիոալիքներ, որոնց շնորհիվ ստացվում է խաչաձև հատված պատկերներ:
• Ոսկորի սքանավորում. այս հետազոտությամբ հայտնաբերվում են սթրեսային կոտրվածքները, երբ ոսկորը ճաքում է կրկնվող տրավմայից, ինչպիսիք են երկարատև ցնցումները կամ հազը: Ոսկորի սքանավորման ժամանակ ներարկվում է ներերակային ռադիոակտիվ նյութ, որը կուտակվում է ոսկորներում, հատկապես՝ ոսկորի լավացող (կպնող) տեղամասերում և հայտնաբերվում սքաներով: