Գրադարան
Կողի կոտրվածք. բուժում
1 րոպե
Կողերի կոտրվածքների մեծ մասը մինչև 6 շաբաթվա ընթացքում ինքնուրույն լավանում է:
Շարժումները սահմանափակող և վնասված շրջանի կանոնավոր տեղային սառեցնող միջոցառումները կարող են օգնել լավացմանը և ցավերի մեղմացմանը:
Դեղորայքային բուժում
Կողերի կոտրվածքի ժամանակ կարևոր է ապահովել համարժեք ցավազրկում: Եթե չեք կարող բավարար խորությամբ շնչել, կարող է զարգանալ թոքաբորբ (պնևմոնիա):
Եթե բերանային (օրալ) ցավազրկողները բավարար չափով չեն օգնում, բժիշկը կարող է առաջարկել վնասված կողերի երկայնքով անցնող նյարդերի բլոկադա երկարատև ազդող անզգայացնողներով:
Ոչ դեղորայքային բուժումներ (թերապիա)
Երբ ցավը դառնում է վերահսկելի, բժիշկը կարող է առաջարկել շնչառական վարժություններ, որոնց նպատակը խոր շնչառությանն օգնելն է: Շնչառական վարժությունները կարող են նվազեցնել հնարավոր թոքաբորբի զարգացման ռիսկը:
Այցյալում բժիշկները օգտագործում էին կրծքավանդակը սեղմող կամ էլաստիկ կապեր, որ սահմանափակվի կողերի շարժունակությունը և կանխարգելվի խոր շնչելիս ցավերի սաստկացումը: Այնուամենայնիվ, ներկայում խորհուրդ չի տրվում օգտագործել կրծքավանդակը պարուրող կապեր, քանի որ շնչառության սահմանափակումը կարող է մեծացնել թոքաբորբի ռիսկը:
Հոդվածը տեղադրվել է՝ 26-05-2021 վերանայվել է՝ 27-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
