Կարդիոմիոպաթիայի վաղ փուլերում կարող են գանգատներ կամ ախտանիշներ չլինել:
Սակայն, խնդիրը ծանրանալուն զուգընթաց սովորաբար զարգանում են մի շարք գանգատներ և ախտանիշներ, այդ թվում՝
- օդի պակաս և հևոց՝ գործ անելիս կամ նույնիսկ հանգիստ վիճակում
- ոտքերի, կոճերի և ոտնաթաթերի այտուց
- հեղուկի կուտակման պատճառով որովայնի փքվածություն
- հազ, հատկապես՝ պառկած վիճակում
- քնելու համար հորիզոնական վիճակում պառկելու դժվարություն
- հոգնածություն
- սրտազարկեր, որոնք զգացվում են որպես արագ, բաբախում կամ թրթռում (սրտխփոց)
- կրծքավանդակի անհարմարավետություն կամ սեղմվածություն
- գլխապտույտ, ուշագնացության զգացում կամ ուշագնացություն:
Գանգատներն ու ախտանիշները հակված են վատթարանալու, եթե չբուժվեն: Որոշ մարդկանց մոտ վիճակը արագ է վատանում. մյուսների մոտ այն կարող է երկար ժամանակ մնալ անփոփոխ:
Ե՞րբ դիմել բժշկին
Այցելեք ձեր բժշկին, եթե ունեք կարդիոմիոպաթիայի հետ կապված մեկ կամ մի քանի գանգատներ կամ ախտանիշներ: Զանգահարեք 1-03 և կանչեք շտապ օգնություն, եթե ունեք ծանր դժվարաշնչություն, ուշագնացություն կամ կրծքավանդակի ցավ, որը տևում է ավելի քան մի քանի րոպե:
Կարդիոմիոպաթիայի որոշ տեսակներ կարող են փոխանցվել ընտանիքների միջոցով (ժառանգական): Եթե դուք ունեք այդ հիվանդությունը, ձեր բժիշկը կարող է խորհուրդ տալ, որ ձեր ընտանիքի անդամները ստուգվեն:
Հոդվածը հրապարակվել է՝ 02-05-2023
Վերջին վերանայում՝ 23-04-2024