Մաշկի բակտերիալ վարակ (ցելյուլիտ)

1 րոպե

Մաշկի բակտերիալ վարակը կամ ցելյուլիտը տարածված, պոտենցիալ լուրջ բակտերիալ մաշկի վարակ է:

Ախտահարված մաշկը այտուցված և բորբոքված է և սովորաբար ցավոտ է և հպվելիս՝ տաք:

Մաշկի բակտերիալ վարակը սովորաբար առաջանում է ոտքերի ստորին հատվածների վրա, սակայն կարող է զարգանալ նաև դեմքի, ձեռքերի վրա և այլ շրջաններում: Վարակումը տեղի է ունենում, երբ մաշկի ամբողջականության խախտումը կամ ճաքը թույլ է տալիս մանրէներին ներթափանցել:

Չբուժվելու դեպքում վարակը կարող է տարածվել դեպի ավշային հանգույցներ և արյան հուն և արագ դառնալ կյանքին սպառնացող: Այն սովորաբար չի փոխանցվում անձից մարդու:

Cellulitis և Cellulite

Այս երկու հիվանդությունները հայերեն հնչում են միանման՝ ցելյուլիտ: Սակայն, եթե Cellulitis-ը մաշկի բակտերիալ վարակ է, Cellulite-ը ենթամաշկային ճարպային շերտի կառուցվածքային փոփոխությունն է, որը հիմնականում առաջանում է ազդրերի վրա, հատկապես՝ ներսի կողմերից, ինչպես նաև հետույքի շրջանում և թևերի տարբեր հատվածներում:

Ցելյուլիտ և կարմիր քամի

Որոշ բժիշկներ մաշկի վարակը՝ ցելյուլիտը (Cellulitis) և կարմիր քամին (Erysipelas) օգտագործում են որպես միմյանց փոխարինող անվանումներ, սակայն դրանք ավելի շուտ միմյանցից տարբերվող վիճակներ են։ Ի տարբերություն ցելյուլիտի, կարմիր քամին պատճառվում է միայն A խմբի բետա-հեմոլիտիկ ստրեպտոկոկով, իսկ ախտահարումն ընդգրկում է մաշկի ավելի մակերեսային շերտերը, մինչդեռ ցելյուլիտը մաշկի ներքին շերտի բակտերիալ վարակն է: