Ախտորոշում - Բակտերիալ ցելյուլիտ

Ձեր բժիշկը, հավանաբար, կկարողանա ախտորոշել մաշկի վարակը՝ միայն զննելով ձեր մաշկը:

Հնարավոր է, որ ձեզ անհրաժեշտ լինի արյան թեստ կամ այլ հետազոտություններ անցնել, որոնք կօգնեն բացառելու այլ հիվանդություններն ու վիճակները: Օրինակ, ձեր բժիշկը կարող է վերցնել քսուք ձեր մաշկից կամ վերքից, որ հաստատի վարակի տեսակը (հարուցիչը) կամ բացառի այլ հիվանդությունները։

Որոշ, հատկապես ծանր ընթացող վարակային մաշկաբորբի ախտորոշման համար ձեր բժիշկը տարբերակիչ ախտորոշում է անցկացնում այլ հիվանդությունների հետ, այդ թվում՝ խորանիստ երակների թրոմբոզ, նեկրոզացնող փակեղաբորբ, Լայմի հիվանդություն և այլն։ Բուժման մեթոդն ընտրելու առումով ձեր բժշկին կարող է նաև անհրաժեշտ լինել, որ տարբերակում անցկացվի ստաֆիլոկոկային և ստրեպտոկոկային վարակների միջև։