Քրոնիկ երիկամային հիվանդությունը (ՔԵՀ) կարող է ազդել օրգանիզմի գրեթե բոլոր օրգան-համակարգերի վրա:
Հնարավոր բարդություններից են՝
- հեղուկի կուտակում, որը կարող է հանգեցնել ձեռքերի և ոտքերի այտուցի, բարձր արյան ճնշման կամ թոքերում հեղուկի կուտակման (թոքերի այտուց)
- արյան մեջ կալիումի մակարդակի հանկարծակի բարձրացում (հիպերկալեմիա), որը կարող է խաթարել սրտի աշխատանքը և վտանգավոր լինել կյանքի համար
- անեմիա (սակավարյունություն)
- սրտային հիվանդություն
- ոսկորների փխրունացում (օստեոպորոզ) և կոտրվածքների ռիսկի բարձրացում
- սեռական ցանկության (լիբիդոյի) նվազեցում, էրեկտիլ դիսֆունկցիա կամ պտղաբերության նվազեցում
- կենտրոնական նյարդային համակարգի ախտահարում, որը կարող է առաջացնել կենտրոնանալու դժվարություն, անձնային փոփոխություններ կամ ցնցումներ
- թուլացած իմունային պատասխան, ինչը ձեզ ավելի խոցելի է դարձնում վարակի նկատմամբ
- պերիկարդիտ՝ սիրտը պատող պարկաձեւ թաղանթի բորբոքում
- հղիության բարդություններ, որոնք վտանգ են ներկայացնում մոր և զարգացող պտղի համար
- երիկամների անդառնալի վնասում՝ երիկամային հիվանդության վերջնական փուլ, որն ապրելու համար ի վերջո պահանջում է դիալիզ կամ երիկամի փոխպատվաստում:
Հոդվածը հրապարակվել է՝ 12-03-2023
Վերջին վերանայում՝ 28-05-2024