Նկարագիր - Քրոնիկ երիկամային հիվանդություն

Քրոնիկ երիկամային հիվանդությունը, որը նաև կոչվում է քրոնիկ երիկամային անբավարարություն, երիկամների գործունեության աստիճանական կորուստն է:

Երիկամները քամազատում (ֆիլտրում) են արյան թափոնային նյութերը և ավելորդ հեղուկները, որոնք այնուհետև հեռացվում են մեզով: Հարաճուն քրոնիկ երիկամային հիվանդությունը կարող է հանգեցնել օրգանիզմում հեղուկի, էլեկտրոլիտների և թափոնային նյութերի վտանգավոր մակարդակների կուտակման:

Քրոնիկ երիկամային հիվանդության վաղ փուլերում դուք կարող եք նշել քիչ գանգատներ կամ ախտանիշներ: Դուք կարող եք չհասկանալ, որ ունեք երիկամային հիվանդություն, քանի դեռ հիվանդությունը չի ծանրացել:

Քրոնիկ երիկամային հիվանդության բուժումը կենտրոնանում է երիկամների վնասման զարգացման դանդաղեցման վրա՝ սովորաբար վերահսկելով դրա պատճառը: Սակայն, նույնիսկ պատճառի վերահսկումը չի կարող խանգարել երիկամների վնասման հարաճուն զարգացմանը: Քրոնիկ երիկամային հիվանդությունը կարող է անցնել երիկամային անբավարարության վերջնական փուլի, որն առանց արհեստական քամազատման (դիալիզի) կամ երիկամի փոխպատվաստման ավարտվում է մահով: