Երիկամային հիվանդության զարգացման ռիսկը նվազեցնելու համար հետևեք այս խորհուրդներին:
- Պահպանեք դեղատոմս չպահանջող դեղերի հրահանգները. սովորական ցավազրկողներ օգտագործելիս, ինչպիսիք են Ասպիրինը, Իբուպրոֆենը (Ադվիլ, Մոտրին IB և այլն) և Ացետամինոֆենը (Պարացետամոլ, Թայլենոլ և այլն), հետևեք դեղատուփի հրահանգներին: Մեծ դեղաչափերով ցավազրկողների երկարատև օգտագործումը կարող է հանգեցնել երիկամների անդառնալի վնասման:
- Պահպանեք առողջ քաշը. եթե ունեք առողջ մարմնի քաշ, պահպանեք այն՝ շաբաթվա մեծ մասը լինելով ֆիզիկապես ակտիվ: Եթե նիհարելու կարիք կա, խոսեք ձեր բժշկի հետ ավելորդ քաշի առողջ կորստի մոտեցումների մասին:
- Մի՛ ծխեք. ծխելը կարող է վնասել ձեր երիկամները և վատթարացնել երիկամների առկա վնասը: Եթե ծխող եք, խոսեք ձեր բժշկի հետ ծխելը թողնելու մեթոդների մասին: Փոխօգնության խմբերը, խորհրդատվությունը և դեղամիջոցները կարող են օգնել ձեզ ծխախոտից ձերբազատվելու ոչ դյուրին որոշման կյանքի կոչմանը:
- Կառավարեք ձեր առողջական վիճակը ձեր բժշկի օգնությամբ. եթե ունեք հիվանդություններ կամ վիճակներ, որոնք մեծացնում են երիկամային հիվանդության ռիսկը, աշխատեք ձեր բժշկի հետ՝ դրանք վերահսկելու համար: Հարցրեք ձեր բժշկին երիկամների վնասման նշաններ փնտրելու համար թեստերի մասին:
Հոդվածը հրապարակվել է՝ 12-03-2023
Վերջին վերանայում՝ 28-05-2024