Skip to main content

Ախտորոշում - Քրոնիկ սինուսիտ

Ձեր բժիշկը կարող է հարցնել ձեր ախտանիշների մասին:

Նա կարող է շոշափել ձեր դեմքը՝ գտնելու ցավոտ տեղամասեր և զննման ընթացքում դիտել ձեր քիթը ներսից:

Քրոնիկ սինուսիտի ախտորոշման մեթոդները ներառում են հետևյալը:

  • Պատկերային հետազոտություններ. համակարգչային տոմոգրաֆիայով (ԿՏ) կամ մագնիսա–ռեզոնանսային տոմոգրաֆիայով (ՄՌՏ) ստացված պատկերները կարող են ցույց տալ ձեր սինուսների (հարքթային խոռոչների) և քթի խոռոչի մանրամասները: Դրանք կարող են հայտնաբերել այս խոռոչների խորը բորբոքումը կամ ֆիզիկական արգելափակումը, ինչպիսիք են պոլիպները, ուռուցքները կամ սնկերը, որոնք դժվար է հայտնաբերել էնդոսկոպով:
  • Սինուսների դիտում. ձեր քթային անցուղիներով ներմուծված և ազատ ծայրին լույս ունեցող բարակ, ճկուն օպտիկամանրաթելային խողովակը (էնդոսկոպ) թույլ է տալիս ձեր բժշկին դիտել և ստուգել ձեր հարքթային խոռոչների՝ ծոցերի կամ սինուսների ներսը: Սա կարող է օգնել ձեր բժշկին տեսնելու քթի միջնապատի շեղումը, պոլիպները կամ ուռուցքները:
  • Ալերգիայի թեստ. եթե ձեր բժիշկը կասկածում է, որ ձեր քրոնիկ սինուսիտի դրդապատճառն ալերգիան է, կարող է խորհուրդ տալ ալերգիայի մաշկային թեստ: Սա անվտանգ և արագ թեստ է, որը կարող է օգնել քթային բորբոքման պատճառ հանդիսացող ալերգենի հայտնաբերմանը:
  • Քթից և սինուսներից նմուշներ. քրոնիկ սինուսիտի ախտորոշման համար լաբորատոր թեստեր անհրաժեշտ չեն: Այնուամենայնիվ, երբ ձեր հիվանդությունը չի ենթարկվում բուժմանը կամ վատթարանում է, ձեր քթի կամ սինուսների քսուքի ցանքսը կարող է օգնել պարզելու պատճառը, օրինակ՝ բակտերիաները կամ սնկերը:

Հոդվածը հրապարակվել է՝ 14-06-2021
Վերջին վերանայում՝ 05-04-2024