Ախտանիշներ - Հաստ աղիքի քաղցկեղ

Հաստ աղիքի քաղցկեղը վաղ շրջանում կարող է որևէ ախտանիշ չառաջացնել:

Հաստ աղիքի քաղցկեղի գանգատներն ու ախտանիշները ներառում են՝

• ձեր աղիքային (կղազատման) սովորույթների մշտական ​​փոփոխություն, ներառյալ փորլուծությունը կամ փորկապությունը կամ կղանքի բնույթի փոփոխությունը
• ուղիղաղիքային (հետանցքից) արյունահոսություն կամ արյուն ձեր կղանքում
• որովայնի մշտական ​​անհանգստություն (դիսկոմֆորտ), ինչպիսիք են կծկանքները (սպազմ), գազերը կամ ցավը
• զգացողություն, որ ձեր հաստ աղիքն ամբողջությամբ չի դատարկվում
• թուլություն կամ հոգնածություն
• անբացատրելի քաշի կորուստ:

Հաստ աղիքի քաղցկեղ ունեցող բազմաթիվ մարդիկ հիվանդության վաղ փուլերում ոչ մի ախտանիշ չեն զգում: Երբ ախտանշաններն ի հայտ գան, դրանք, ամենայն հավանականությամբ, կտարբերվեն՝ կախված քաղցկեղի չափից և հաստ աղիքում տեղակայումից:

Ե՞րբ դիմել բժշկին

Եթե ​​նկատում եք ձեզ անհանգստացնող որևէ մշտական ​​ախտանիշ, պայմանավորվեք և հանդիպեք ձեր բժշկին: