Ուղեղի ցնցումը գլխուղեղի տրավմատիկ վնասվածքն է, որն ազդում է կարևորագույն այս օրգանի գործունեության վրա:
Այդ ազդեցությունը սովորաբար ժամանակավոր է, սակայն կարող է առաջացնել գլխացավ և ուշադրության կենտրոնացման, հավասարակշռության և կորդինացիայի հետ կապված խնդիրներ: Որոշ ախտանշաններ կարող են ի հայտ գալ անմիջապես, մյուսները՝ վնասվածքից օրեր անց:
Ուղեղի ցնցումը սովորաբար պատճառվում է գլխին հարված ստանալուց։ Գլխի և մարմնի վերին շրջանի բռնի թափահարումը նույնպես կարող է առաջացնել ուղեղի ցնցում։ Ուղեղի ցնցումը գանգուղեղային տրավմայի ամենատարածված ձևն է:
Հազադեպ, ուղեղի ցնցումը կարող է առաջացնել գիտակցության կորուստ: Հնարավոր է նաև, որ ունենաք ուղեղի ցնցում, սակայն չիմանաք այդ մասին:
Ուղեղի ցնցումներն ավելի հաճախ են տեղի ունենում վայր ընկնելուց և կոնտակտային մարզական խաղերի ժամանակ, ինչպիսիք են ֆուտբոլ, ռեգբի կամ բռնցքամարտ։ Մարդկանց մեծ մասը սովորաբար ուղեղի ցնցումից հետո լիարժեք վերականգնվում է:
Հոդվածը հրապարակվել է՝ 28-05-2019
Վերջին վերանայում՝ 23-04-2024