Ախտանիշներ - Փորկապություն

Փորկապությունը կղազատման ակտի (դեֆեկացիա) դժվարացումն է կամ հազվադեպացումը:

Քրոնիկ փորկապության գանգատներն ու ախտանիշները կարող են ներառել՝

• շաբաթական երեքից պակաս կղազատում
• գնդիկավոր, չոր կամ պնդացած կղանք
• խիստ լարվածություն՝ աղիքները դատարկելու համար
• ուղիղ աղիքի խցանման զգացողություն, որը խանգարում է կղազատմանը
• ոչ լիարժեք կղազատման և ուղիղ աղիքի ոչ լիարժեք դատարկման զգացում
• ուղիղ աղիքը դատարկելու օգնության կարիք, օրինակ՝ ձեռքերով որովայնի պատի սեղմում կամ մատներով կարծրացած կղանքային զանգվածը հետանցքից պոկում
• վքնածություն (փորափքանք) և որովայնային ցավ:

Փորկապությունը կարող է համարվել քրոնիկ, եթե վերջին երեք ամիսների ընթացքում ունեցել եք այս ախտանիշներից առնվազն երկուսը:

Ե՞րբ դիմել բժշկին

Պայմանավորվեք և այցելեք ձեր բժշկին, եթե նշում եք աղիքների դատարկման սովորույթի անբացատրելի կամ մշտական փոփոխություններ: