Սրտի իշեմիկ հիվանդությունը (ՍԻՀ), հատկապես ժամանակին և պատշաճ բուժման բացակայության դեպքում կարող է բերել տարբեր բարդությունների, այդ թվում՝ կյանքին սպառնացող:
- Կրծքահեղձուկ (ստենոկարդիա). երբ պսակային զարկերակները նեղանում են, սիրտը կարող է չստանալ բավարար արյուն, հատկապես, երբ թթվածնի նկատմամբ պահանջարկը բարձրացած է, օրինակ, ֆիզիկական ակտիվության ժամանակ: Սա կարող է առաջացնել կրծքահեղձուկ՝ ետկրծոսկրային ցավեր կամ օդի պակասի զգացում (հևոց):
- Սրտամկանի ինֆարկտ. եթե խոլեսթերինային վահանիկը պատռվում է և ձևավորվում է արյան մակարդուկ, պսակային զարկերակն ամբողջապես խցանվում է՝ զարգացնելով սրտամկանի ինֆարկտ: Սրտամկանի ինֆարկտը արյուն չստացած սրտամկանի մի մասի մեռուկացումն է: Մեռուկացման չափը մասամբ կախված է այն հանգամանքից, թե որքան վաղ է սկսվել բուժումը:
- Սրտային անբավարարություն. սրտի նեղացած անոթները կամ բարձր արյան ճնշումը կարող են աստիճանաբար թուլացնել սրտի կծկողական ուժը կամ պնդացնել վերջինիս պատերը: Նման իրավիճակում սիրտը դժվարությամբ է արտամղում արյունը: Երբ սիրտն ի վիճակի չէ արտամղել օրգանիզմի պահանջներին համապատասխանող արյուն, հայտնի է որպես սրտային անբավարարություն:
- Անկանոն սրտի ռիթմ (առիթմիա). սրտի ոչ համարժեք արյունամատակարարումը կարող է բացասաբար ազդել սրտի էլեկտրական ազդանիշների վրա՝ բերելով տարաբնույթ առիթմիաների:
Հոդվածը հրապարակվել է՝ 08-04-2021
Վերջին վերանայում՝ 22-04-2024