COVID-19. ինքնօգնություն

Նոր կորոնավիրուսային վարակի համաճարակի ընթացքում վախի զգացումը և անհանգստությունը տարածված երևույթներ են:

Դուք ևս կարող եք խիստ մտահոգվել այն մտքից, որ դուք կամ ձեր հարազատներից կամ մտերիմներից մեկնումեկը կարող են վարակվել COVID-19-ով: Նույն կերպ, դուք կարող եք անհանգստանալ, թե, վարակվելու դեպքում ինչպե՞ս է կազմակերպվելու ձեր բուժումն ու խնամքը կամ ինչպե՞ս եք դուք խնամելու վարակված ընտանիքի անդամին:

Այսպիսի ժամանակաշրջանում, երբ լրահոսը ողողված է COVID-19-ի համաճարակի վերաբերյալ «սարսափազդու» թվերով, պետք է հոգ տանել ձեր մասին և կառավարել հուզական լարվածությունը (սթրես): Ահա որոշ օգտակար խորհուրդներ՝

• սնվեք բավարար չափով և ընտրեք «առողջ» սննդամթերքներ
• ստացեք բավարար քուն (քնի խանգարումը բերում է իմունային համակարգի թուլացման)
• եղեք բավարար ֆիզիկապես ակտիվ և տանը զբաղվեք յոգայով կամ շարունակեք դրսում զբոսնելուց կամ արագ քայլքից
• փորձեք «թուլացնող» հնարքներ, օրինակ՝ խոր շնչառություն, մեդիտացիա և այլն
• մի կտրվեք ընկերներից և «կենդանի» շփման սահմանափակումները լրացրեք տեսազանգերով
• զբաղվեք ձեզ հաճույք պատճառող գործերով, օրինակ՝ ընթերցանություն կամ տրամադրությունը բարձրացնող ֆիլմերի դիտում:

Եթե վարակվել եք COVID-19-ով, առանձնահատուկ կարևոր է, որ

• բավարար հանգստանաք
• հեղուկներից չկտրվեք
• անհապաղ տեղեկացնեք բժշկին, եթե ձեր ախտանիշները ծանրացել են:

COVID-19-ով հիվանդանալը կամ այս վարակով որևէ մեկին խնամելը կարող է բերել լրացուցիչ սթրեսի և անհանգստությոն: Եթե զգում եք, որ նման սթրեսը սկսել է խանգարել ձեր առօրյա գործերին, կապ հաստատեք բժշկի հետ: Որոշ դեպքերում կարող է առաջանալ հոգեբանական խորհրդատվության կամ օժանդակություն կարիք: