Բուժում - COVID-19

Ներկայումս միայն մեկ դեղամիջոց է հաստատվել, որը կարող է բուժել COVID-19-ը։

COVID-19-ի դեմ վերջնական բուժում չկա։ Հակաբիոտիկները արդյունավետ չեն վիրուսային վարակների դեմ, ինչպիսին է COVID-19-ը։ Հետազոտողները փորձարկում են բուժման մի շարք հնարավոր տարբերակներ:

ԱՄՆ Սննդի և դեղերի գործակալությունը (FDA) հաստատել է Ռեմդեսիվիր (Վեկլուրի) հակավիրուսային դեղամիջոցը որպես է հիվանդանոցում հոսպիտալացված մեծահասակների և 12 տարեկան և բարձր երեխաների մոտ COVID-19-ի բուժման միջոց: Ռեմդեսիվիրը կարող է նշանակվել այն մարդկանց, ովքեր հոսպիտալացված են COVID-19-ով և կարիք ունեն լրացուցիչ թթվածնի կամ ունեն ծանր հիվանդության ավելի բարձր ռիսկ: Այն տրվում է ներերակային ներարկման միջոցով:

FDA-ն թույլատրել է Պաքսլովիդ կոչվող դեղամիջոցը, որը ներառում է Նիրմատրելվիր՝ դեղամիջոց, որը արգելափակում է վիրուսի համար անհրաժեշտ հատուկ ֆերմենտի ակտիվությունը, որը մասնակցում է COVID-19-ի վերարտադրությունը, և հակավիրուսային դեղամիջոց, որը կոչվում է Ռիտոնավիր, որն օգնում է դանդաղեցնել Նիրմատրելվիրի քայքայումը: Պաքսլովիդ թույլատրված է բուժելու թեթև և միջին ծանրության COVID-19-ը 12 և ավելի բարձր տարիքի մարդկանց մոտ, ովքեր գտնվում են ծանր հիվանդության ավելի բարձր ռիսկի տակ: Դեղորայքն ընդունվում է բերանով որպես հաբ։

FDA-ն թույլատրել է մեկ այլ դեղամիջոց, որը կոչվում է Մոլնուպիրավիր՝ թեթև և միջին ծանրության COVID-19-ի բուժման համար այն չափահասների մոտ, ովքեր գտնվում են ծանր հիվանդության ավելի բարձր ռիսկի տակ և ովքեր ի վիճակի չեն բուժման այլ տարբերակներ ընդունել: Դեղորայքն ընդունվում է բերանով որպես հաբ։

FDA-ն թույլատրել է ռևմատոիդ արթրիտի համար դեղերից Բարիցիտինիբի (Օլումիանտ) դեղամիջոցը որոշ դեպքերում COVID-19-ի բուժման համար: Բարիցիտինիբ-ը հաբ է, որը հավանաբար ազդում է COVID-19-ի դեմ՝ նվազեցնելով բորբոքումը և ունենալով հակավիրուսային ակտիվություն: Բարիցիտինիբը կարող է օգտագործվել այն մարդկանց մոտ, ովքեր հոսպիտալացված են COVID-19-ով, միացված են մեխանիկական օդափոխիչին կամ լրացուցիչ թթվածնի կարիք ունեն:

ԱՄՆ Առողջապահության ազգային ինստիտուտները խորհուրդ է տվել Դեքսամետազոն կորտիկոստերոիդը ծանր COVID-19-ով հոսպիտալացված մարդկանց համար, ովքեր ստանում են լրացուցիչ թթվածին կամ մեխանիկական օդափոխության կարիք ունեն: Այլ կորտիկոստերոիդներ, ինչպիսիք են Պրեդնիզոնը, Մեթիլպրեդնիզոլոնը կամ Հիդրոկորտիզոնը, կարող են օգտագործվել, եթե Դեքսամետազոնը հասանելի չէ: Որոշ դեպքերում, Ռեմդեսիվիր, Տոցիլիզումաբ կամ Բարիցիտինիբ դեղամիջոցները կարող են տրվել Դեքսամետազոնի հետ հոսպիտալացված մարդկանց, ովքեր գտնվում են մեխանիկական օդափոխության ներքո կամ լրացուցիչ թթվածնի կարիք ունեն:

FDA-ն նաև թույլատրել է հակամարմինների բարձր մակարդակով բուժման պլազմային թերապիա՝ COVID-19-ի բուժման համար: Վերականգնող պլազման արյուն է՝ տրված մարդկանց կողմից, ովքեր ապաքինվել են COVID-19-ից: Բարձր հակամարմիններով ապաքինվող պլազման կարող է օգտագործվել COVID-19-ով հիվանդ որոշ հոսպիտալացված մարդկանց բուժելու համար, ովքեր կամ իրենց հիվանդության վաղ փուլում են, կամ ունեն թուլացած իմունային համակարգ:

Մոնոկլոնալ հակամարմիններն արդյունավետ չեն COVID-19-ի բուժման դեմ, որն առաջացել է Օմիկրոն տարբերակով: Այս դեղամիջոցները նախկինում օգտագործվել են թեթև և չափավոր COVID-19-ի բուժման համար այն մարդկանց մոտ, ովքեր ունեին COVID-19-ի պատճառով ծանր հիվանդության զարգացման ավելի բարձր ռիսկ:

COVID-19-ով բազմաթիվ մարդիկ կարող են ունենալ թեթև ախտանիշներ և կարող են բուժվել օժանդակող բուժմամբ: Օժանդակող բուժումն ուղղված է ախտանիշների թեթևացմանը և կարող է ներառել՝

• ցավազրկողներ (Իբուպրոֆեն կամ Ացետամինոֆեն)
• հազի օշարակ կամ դեղամիջոց
• Հհանգիստ
• հեղուկի ընդունում:

Չկա որևէ ապացույց, որ պետք է խուսափել Իբուպրոֆենից կամ այլ ոչ ստերոիդային հակաբորբոքային դեղամիջոցներից (ՈՍՀԲԴ):

Եթե դուք ունեք թեթև ախտանիշներ, ձեր բժիշկը, հավանաբար, խորհուրդ կտա վերականգնվել տանը: Ձեզ կարող են տրվել հատուկ հրահանգներ՝ վերահսկելու ձեր ախտանիշները և խուսափելու ուրիշներին վարակելուց: Հավանաբար, ձեզ կխնդրեն հնարավորինս մեկուսանալ ձեզ ընտանիքից և ընտանի կենդանիներից, երբ հիվանդ եք, դիմակ կրել, երբ մարդկանց և ընտանի կենդանիների շրջապատում եք, և օգտագործել առանձին ննջասենյակ և լոգարան: Եվ պահպանել օդի հոսքը ձեր տանը՝ բացելով պատուհանները և հնարավորության դեպքում օգտագործելով օդային զտիչներ:

Ձեր բժիշկը, հավանաբար, խորհուրդ կտա բացի բժշկական օգնություն ստանալուց որոշ ժամանակով ձեզ մնալ տնային մեկուսացման մեջ: Ձեր բժիշկը, հավանաբար, պարբերաբար կհետևի ձեզ: Հետևեք ձեր բժիշկի ցուցումներին այն մասին, թե երբ կարող եք դադարեցնել տնային մեկուսացումը:

Եթե դուք ունեք ինքնազգացողության կտրուկ վատացում կամ ուղեկցող լուրջ առողջական խնդիրներ, հնարավոր է, որ ձեզ անհրաժեշտ լինի բուժվել հիվանդանոցում: