Skip to main content

Կորոնավիրուսները վիրուսների ընտանիք են, որոնք կարող են առաջացնել այնպիսի հիվանդություններ, ինչպիսիք են սովորական մրսածությունը, սուր ծանր շնչառական համախտանիշ (SARS) և մերձարևելյան շնչառական համախտանիշը (MERS):

2019 թվականին որպես հիվանդության բռնկման պատճառ հայտնաբերվեց կորոնավիրուսի նոր տեսակ:

Վիրուսը հայտնի է որպես սուր ծանր շնչառական համախտանիշ՝ կորոնավիրուս 2 (SARS-CoV-2): Դրա պատճառած հիվանդությունը կոչվում է կորոնավիրուսային հիվանդություն 2019 (COVID-19): 2020 թվականի մարտին Առողջապահության համաշխարհային կազմակերպությունը (ԱՀԿ) COVID-19-ի բռնկումը հայտարարեց համաճարակ։

COVID-19 հարուցող վիրուսն առավել հաճախ տարածվում է սերտ շփման մեջ գտնվող մարդկանց միջև օդի միջոցով՝ հեղուկի մանրագույն կաթիլներով: COVID-19-ով բազմաթիվ մարդիկ չունեն ախտանիշներ կամ նշում են միայն թեթև գանգատներ: Սակայն տարեցների և որոշակի առողջական խնդիրներ ունեցող մարդկանց համար COVID-19-ը կարող է հանգեցնել հիվանդանոցային բուժման անհրաժեշտության կամ մահվան:

COVID-19-ի դեմ պատվաստանյութ ստանալը օգնում է լուրջ առողջական խնդիրների զարգացման, COVID-19-ի հետևանքով հիվանդանոցային բուժման անհրաժեշտության և COVID-19-ից մահվան ռիսկերի կտրուկ կրճատմանը: Այլ միջոցները, որոնք կարող են օգնել այս կորոնավիրուսի տարածման կանխարգելմանը, ներառում են լավ օդափոխությունը, ֆիզիկական հեռավորությունը, անհրաժեշտ իրվիճակներում դիմակ կրելը և լավ հիգիենան:

Դեղամիջոցները կարող են սահմանափակել վիրուսային վարակի ընթացքի ծանրության աստիճանը։ Մարդկանց մեծամասնությունը ապաքինվում է առանց երկարատև հետևանքների, սակայն որոշ մարդիկ ունեն ախտանիշներ, որոնք շարունակվում են ամիսներ շարունակ:

Հոդվածը հրապարակվել է՝ 17-02-2020
Վերջին վերանայում՝ 07-04-2024