Ախտանիշներ - Դեմենցիա

Դեմենցիայի ախտանիշները տարբերվում են՝ կախված պատճառից, սակայն ընդհանուր գանգատներն ու ախտանիշները ներառում են հետևյալը:

Ճանաչողական (կոգնիտիվ) փոփոխություններ

• հիշողության կորուստ, որը սովորաբար նկատում է մեկ ուրիշը
• բառեր գտնելու կամ հաղորդակցվելու դժվարություն
• տեսողական և տարածական ունակությունների հետ կապված դժվարություններ, օրինակ՝ մեքենա վարելիս մոլորվելը
• պատճառաբանության կամ խնդիրների լուծման դժվարություն
• բարդ առաջադրանքների կատարման դժվարություն
• պլանավորման և կազմակերպման հետ կապված դժվարություններ
• համակարգման և շարժիչ գործառույթների հետ կապված դժվարություններ
• շփոթվածություն և ապակողմնորոշում:

Հոգեբանական փոփոխություններ

• անձի փոփոխություններ
• դեպրեսիա
• անհանգստություն և տագնապ
• ոչ պատշաճ վարքագիծ
• պարանոյա (քրոնիկ համակարգված զառանցանք)
• աժիտացիա (տագնապալից-շարժողական անհանգստություն)
• ցնոքներ (հալյուցինացիաներ):

Ե՞րբ դիմել բժշկին

Այցելեք բժշկին, եթե դուք կամ ձեր սիրելին ունեք հիշողության հետ կապված խնդիրներ կամ դեմենցիայի այլ ախտանիշներ: Որոշ բուժելի առողջական խնդիրներ կարող են առաջացնել դեմենցիայի ախտանիշներ, ուստի կարևոր է որոշել դրա պատճառը: