Skip to main content

Դերմատիտի կամ մաշկաբորբի բուժումը տարբեր է՝ կախված պատճառից և ձեր ախտանիշներից:

Ի լրումն հաջորդ հոդվածում ներկայացվող ապրելակերպի և տնային միջոցների առաջարկությունների, դերմատիտի բուժումը կարող է ներառել հետևյալներից մեկը կամ մի քանիսը:

  • Տուժած մաշկին կորտիկոստերոիդային նրբաքսուքներ (կրեմ), գելեր կամ քսուքներ կիրառելը:
  • Ախտահարված մաշկին որոշակի նրբաքսուքներ կամ քսուքներ քսելը, որոնք ազդում են ձեր իմունային համակարգի վրա (կալցինեուրինի ինհիբիտորներ):
  • Ախտահարված տարածքը վերահսկվող բնական կամ արհեստական լույսի ազդեցությանը ենթարկելը (լուսաբուժում կամ ֆոտոթերապիա):
  • Ծանր ընթացքի դեպքում բերանային (օրալ) կորտիկոստերոիդների (հաբերի) կամ ներարկային Դուպիլումաբի օգտագործումը:
  • Խոնավ վիրակապերի կիրառում՝ դեղորայքային բուժում ծանր ատոպիկ դերմատիտի դեպքում, որը ներառում է կորտիկոստերոիդներ քսելը և այն թաց վիրակապով փաթաթելը։

Հոդվածը հրապարակվել է՝ 26-06-2023
Վերջին վերանայում՝ 06-04-2024