Skip to content
Փորլուծություն. բարդություններ
02-06-2020
2 րոպե
Սուր և առատ փորլուծությունը կարող է առաջացնել ծանր ջրազրկում, որը չբուժվելու դեպքում կարող է բերել անգամ կյանքին սխառնացող իրավիճակի:
Փորլուծությունը և դրանով զարգացած ջրազրկումը վտանգավոր է հատկապես երեխաների, մեծ տարիքով չափահասների և թուլացած իմունային համակարգով անձանց համար:
Եթե դուք կամ ձեր երեխան ունեք լուրջ ջրազրկման նշաններ, ապա առանց հետաձգելու դիմեք բժշկական օգնության:
Չափահասների մոտ ջրազրկման նշանները
Չափահաս տարիքով անձանց մոտ ծանր ջրազրկումն ուղեկցվում է հետևյալ նշաններով՝
- խիստ ծարավի զգացում
- չոր բերան, լեզու կամ մաշկ
- միզարձակման քչացում (կամ բացակայություն)
- մեզի մգացում
- թուլություն, գլխապտույտ կամ ուշագնացության («աչքերի դեմը սևանալու») զգացում
- հոգնածություն:
Նորածինների և մանկահասակ երեխաների մոտ ջրազրկման նշանները
Նորածինների և մանկահասակ երեխաների մոտ ծանր ջրազրկման նշաններից են՝
- երեք ժամ կամ ավելի երկար տևողությամբ տակդիրների չորություն (մեզի բացակայություն)
- չոր բերան և լեզու
- բարձր ջերմություն կամ տենդ (մինչև 39°C)
- «չոր» (անարցունք) լաց
- շշմածություն, պատասխան ռեակցիաների թուլացում կամ հակառակը՝ գերգրգռվածություն
- նորածինների մոտ՝ գաղթունների ներանկում
- աչքերի փայլի խամրում
- որովայնի կամ այտերի կնճռոտում:
Հոդվածը վերանայվել է՝ 02-02-2021