Փորլուծությունը կարող է ի հայտ գալ միայնակ կամ, ավելի հաճախ, զուգակցվել այլ փոխկապված գանգատների և ախտանիշների հետ:
Փորլուծության (չձևավորված, ջրիկ կղանք) հետ կապված գանգատներից ու ախտանիշներից են՝
- որովայնային կծկանքներ (սպազմ) կամ ցավ
- փքվածություն (փորափքանք կամ մետեորիզմ)
- սրտխառնոց
- փսխում
- ջերմություն
- արյուն կղանքում
- լորձ կղանքում
- աղիքները դատարկելու հրատապ անհրաժեշտություն:
Ե՞րբ դիմել բժշկին
Եթե չափահաս եք, դիմեք ձեր բժշկին, եթե՝
- ձեր փորլուծությունը շարունակվում է ավելի քան երկու օր՝ առանց բարելավման
- ջրազրկվում եք
- ունեք որովայնային կամ ուղիղաղիքային (հետանքցի շրջանի) ուժեղ ցավ
- ունեք արյունոտ կամ սև կղանք
- ունեք բարձր ջերմություն կամ տենդ՝ 39°C և ավելի բարձր
Երեխաների, հատկապես մանկահասակ երեխաների մոտ, փորլուծությունը կարող է արագ հանգեցնել ջրազրկման: Զանգահարեք բժշկին, եթե ձեր երեխայի փորլուծությունը չի բարելավվում 24 ժամվա ընթացքում կամ եթե ձեր երեխան՝
- ջրազրկված է
- ունի ջերմություն կամ տենդ՝ 39°C և ավելի բարձր
- ունի արյունոտ կամ սև կղանք:
Հոդվածը հրապարակվել է՝ 02-06-2020
Վերջին վերանայում՝ 23-04-2024