Ախտանիշներ - Աչքերի չորություն

Չոր աչքերի գանգատներն ու ախտանիշները սովորաբար վերաբերվում են զույգ աչքերին:

Չոր աչքերի գանգատներն ու ախտանիշները կարող են ներառել՝

• աչքերում ծակծկոցներ, այրող կամ քերծվածքի զգացողություն
• աչքերում կամ աչքերի շուրջը մածուցիկ լորձ (առավոտյան արթնանալիս կոպեզրերի կպչունություն)
• լուսազգայունություն
• աչքերի կարմրություն
• աչքերում օտար մարմնի (փոշու կամ ավազահատիկի) զգացողություն
• կոնտակտային լինզաներ կրելու դժվարություն
• գիշերային ժամերին ավտոմեքենա վարելու դժվարություն
• աչքերի ջրակալում, որը չոր աչքերի գրգռման նկատմամբ օրգանիզմի ռեակցիան է
• մշուշոտ տեսողություն կամ աչքերի հոգնածություն:

Այս ախտանիշները կարող են լինել սկսած թեթևից մինչև ծանր և ստանան կրկնվող կամ շարունակական բնույթ:

Ե՞րբ դիմել բժշկին

Այցելեք բժշկին, եթե ունեք չոր աչքերի երկարատև ձգվող ախտանիշներ, այդ թվում՝ կարմրություն, գրգռում, հոգնածություն կամ ցավ: Բժիշկը կարող է ձեռնարկել քայլեր, որ գտնի աչքերի խնդրի պատճառը և ուղեգրի համապատասխան մասնագետի խորհրդատվության: