Գրադարան

Ձվից ալերգիա. բուժում

Ձվից ալերգիա. բուժում

Time Read 1 րոպե

Ձվի կամ հավկիթի նկատմամբ ալերգիայի ախտանիշները կանխելու միակ միջոցը այս մթերքից կամ ձու պարունակող մթերքներից խուսափելն է:

Այնուամենայնիվ, ձվից ալերգիա ունեցող որոշ մարդիկ կարող են հանդուրժել լավ եփած ձու պարունակող մթերքները, օրինակ՝ թխված մթերքները:

Հակահիստամիններ՝ ախտանիշները թեթևացնելու համար

Դեղամիջոցները, ինչպիսիք են հակահիստամինները, կարող են նվազեցնել ձվից առաջացած թեթև ալերգիայի գանգատներն ու ախտանիշները: Այս դեղամիջոցները կարելի է ընդունել ձվի ազդեցությանը ենթարկվելուց հետո: Այնուամենայնիվ, հակահիստամինայիններն արդյունավետ չեն ձվից առաջացող անաֆիլակտիկ ռեակցիան կանխելու կամ ծանր ալերգիկ ռեակցիան բուժելու համար:

Էպինեֆրինի անհետաձգելի ներարկումներ

Դուք կարող է կարիք ունենաք մշտապես ձեզ մոտ պահել Էպինեֆրինի անհետաձգելի ներարկիչ (ԷպիՓեն, Աուվի-Q և այլն): Անաֆիլաքսիայի համար պահանջվում է Էպինեֆրինի ներարկում, տեղափոխում անհետաձգելի բուժօգնության բաժանմունք, որտեղ անհրաժեշտ է մնալ որոշակի ժամանակ՝ համոզվելու, որ ախտանիշները չեն կրկնվում:

Սովորեք, թե ինչպես օգտագործել ինքնաներարկիչը: Եթե ձեր երեխան ունի այդպիսին, համոզվեք, որ խնամակալներին հասանելի է այն և նրանք գիտեն, թե ինչպես օգտագործել այս գործիքը: Եթե ձեր երեխան բավականաչափ մեծ է, համոզվեք, որ նա հասկանում է, թե ինչպես օգտագործել ինքնաներարկիչը: Հետևեք, որ ձեր ավտոներարկիչը լինի ժամկետի մեջ:

Երեխաների մեծ մասը տարիքի հետ ի վերջո հաղթահարում է ձվից ալերգիան: Խոսեք ձեր երեխայի բժշկի հետ թեստերի հաճախականության մասին՝ պարզելու, թե արդյոք ձվի օգտագործումը դեռևս ախտանիշներ է առաջացնում:

Հոդվածը տեղադրվել է՝ 06-12-2023 վերանայվել է՝ 06-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով